Charter Document - 05330076
| Charter Number: | 05330076 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1317 |
| Date type: | Internal, A.D., Feast |
| Resource Link(s): |
|
Charter:
Vniuersis presentes litteras jnspecturis officialis lingonensis salutem in domino Noueritis quod in presentia Stephani Dolearii de Dyuione clerici jurati nostri coadiutorisque a nobis deputati Johannis Francisci de dicto Dyuione clerici tabellionis curie lingonensis propter hoc personaliter constituta Bona relicta Micheleti de Bella Vaura quondam coqui abbatis sancti Stephani dyuionensis recognouit et confessa est quod cum religiosi viri abbas et conuentus monasterii sancti Stephani dyuionensis ordinis sancti Augustini lingonensis dyocesis sibi dederint et concesserint ad vitam ipsius Bonete quamdiu in dominio dictorum religiosorum remanebit pro seruiciis eisdem religiosis a dicto Micheleto actenus jmpensis quandam domum cum eius manso et pertinenciis sitam Dyuione retro ecclesiam sancti Michaelis dyuionensis juxta domum Hugoneti Lostanlier et domum Johannini de Buris item et quandam peciam vinee sitam in finagio dyuionensi en largillere juxta vineam Philippi Lanarii et vineam heredum de Borda Ipsa Boneta predicta sic sibi donata tenetur et promittit manutenere et in bono statu tenere quamdiu vixerit et in dominio dictorum religiosorum remanebit dicta vero Boneta sublata de medio predicta sic donata ad dictos religiosos pacifice reuertentur supposuit insuper dicta Boneta se et sua bona quantum ad hec jurisdicioni curie lingonensis In cuius rei testimonium ad requisitionem dicte Bonete nobis factam per dictum juratum nostrum qui nobis predicta retulit et cui quantum ad hec et maiora fidem plenariam adhibemus sigillum curie lingonensis presentibus litteris duximus apponendum Actum presentibus Perroneto de Foncegriue clerico et domino Johanne de Gy presbitero sancti Medardi testibus ad hoc vocatis die lune in festo beati Marci euuangeliste anno domini millesimo trecentesimo decimo septimo Stephanus Dolearii Ita est