Charter Document - 05330073
| Charter Number: | 05330073 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1316 - 1317 |
| Date type: | Internal, A.D., Feast |
| Resource Link(s): |
|
Charter:
Frater Johannes humilis abbas monasterii besuensis commissarius datus a reuerendo jn Christo patre ac Domino domino episcopo lingonensi super negocio confirmationis electionis facte de fratre Poncardo priore Tylecastri electo jn abbatem monasterii sancti Stephani dyuionensis discretis viris magistris Hemoni de Donna Petra canonico capelle ducis et Johanni Francisci publico apostolica auctoritate notario salutem Cum nos ad procedendum super negocio premisso diem jouis ante letare Jerusalem hora tertia jn monasterio sancti Stephani predicto duxerimus assignandum et omnes et singulos si qui sint qui dicte confirmationi se apponere voluerint ad dictos diem locum et horam perhentorie citauerimus seu citari fecerimus dicturos et proposituros quicquid dicere voluerint quare dicta electio non debeat confirmar cum intimatione [] Nosque dicta die prefato negocio vacare non possumus aliis negociis impediti Vobis mandamus quatinus vos aut alter vestrum assignationem et citationem predictas quas vsque ad diem veneris immediate sequentem tenore presentium prorogamus et ponimus prorogatas et positas jn diem veneris jmmediate sequentem in ipso monasterio publice nuncietis Citantes ad dictam diem veneris hora tercia coram nobis jn dicto monasterio omnes et singulos qui quidquam dicere voluerint quare dicta electio non debeat confirmari dicturos et proposituros jn premissis et circa premissa quidquid duxerint proponendum cum intimatione quod ex tunc non audientur ymmo ad dictam confirmationem procedemus vt ius erit Datum die martis post dominicam qua cantatur oculi mei anno domini MCCC sextodecimo