Charter Document - 05330071
| Charter Number: | 05330071 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1316 - 1317 |
| Date type: | Internal, A.D. |
| Resource Link(s): |
|
Charter:
In nomine domini amen Anno jncarnationis eiusdem millesimo trecentesimo sextodecimo mense februarii ego Vienetus dictus Maignoz de lespay morans apud Villam subtus Geureyum notum facio vniuersis quod ego consideratis jmmensis beneficiis auxiliis et curialitatibus hactenus michi jmpensis a religiosis viris priore et conuentu monasterii sancti Stephani dyuionensis et que michi iidem religiosi de die in diem faciunt et facere promittunt jnfuturum necnon et pro anniuersario meo in ecclesia dictorum religiosorum anno quolibet et post decessum meum perpetuo faciendo jn recompensationem eorumdem ex certa sciencia dono concedo et quitto religiosis eisdem donatione pura perpetua et jrreuocabili facta inter viuos duas domos contiguas sitas Dyuione in vico sancti Anthonii juxta domum dicti Gelebon et domum Laurentii filii Durandi Courbot cum curtilibus retro sitis fundisque mansis et pertinenciis earumdem de quibus me deuestio pro me et meis penitus dictosque religiosos pro se et suis successoribus ex nunc jnuestio perpetuo corporaliter de eisdem Et promitto pro me et meis per meum juramentum ad sancta Dei euuangelia corporaliter prestitum et sub obligatione omnium bonorum meorum predicta in dicta donatione contenta dictis religiosis et suis successoribus contra omnes garantire deffendere et in pace tenere et contra dictam donationem non venire jnfuturum tacite vel expresse renuncians in hoc facto sub meo iam prestito juramento ex certa sciencia exceptionibus doli mali lesionis et circonuentionis deceptionis in aliquo predictorum modo premisso seu modo debito non gestorum et omnibus aliis que contra tenorem presentium litterarum possent obici seu dici jurique dicenti generalem renunciationem non valere volens me compelli [] In quorum testimonium [] Actum in presentia Johannis Rateti notarii dyuionensis Henrici et Costanis dictorum les Broissoz fratrum de Villa subtus Geureyum testium ad hoc vocatorum anno et mense predictis