Charter Document - 05330070
| Charter Number: | 05330070 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1316 |
| Date type: | Internal, A.D. |
| Resource Link(s): |
|
Charter:
In nomine domini amen Anno jncarnationis eiusdem millesimo trecentesimo sextodecimo mense nouembris ego Reginela relicta Demoingeti de Pasquis morans apud Besuam notum facio vniuersis quod ego non decepta nec coacta sed circa hoc preuisa vendo concedo et quitto religioso viro fratri Johanni Belorgier canonico monasterii sancti Stephani dyuionensis a data presencium litterarum vsque ad quinque annos proximo et continue subsequentes et venturos quinque fructus leuantes et inportantes quandam peciam vinee continentem circa quatuor jornalia sitam in finagio de Canabis en serecourt juxta vineam religiosorum sancti Stephani et viam publicam jtem medietatem vnius torcularis domusque et pertinentium eiusdem sitorum ante ecclesiam dicte ville de Canabis prout partitur cum religiosis antedictis Et hanc venditionem facio pretio viginti librarum turonensium paruorum bonorum michi a dicto emptore in numerata pecunia solutorum et de quibus teneo me plenarie pro contenta Promittens pro me et heredibus meis per juramentum meum super sancta Dei euuangelia corporaliter prestitum et sub obligatione omnium bonorum meorum predicta prout premittitur vendita quitta et libera videlicet vineam pro censu et decima et medietatem torcularis domus et pertinentium eiusdem libere ab omni onere prefato emptori et successoribus suis contra omnes vsque ad finem predicti termini garantire deffendere et in pace tenere in judicio et extra meis propriis sumptibus et expensis si qui calumpniatores quod absit apparerent quancito quociens et quacunque parte littis super hec fuero requisita nec non facere et prestare quicquid in causa euictionis debet fieri et prestari ipsumque emptorem et suos super predictis indempnes penitus obseruare et eidem omnia dampna pacifice resarcire que pro deffectu meo occasione predictorum solo suo verbo simplici se dixerit jncurrisse Sciendum est tamen quod jdem emptor tenetur durante dicto termino dictam medietatem torcularis domus et pertinaciarum manutenere dictamque peciam vinee bene et fideliter excolere suis sumptibus propriis et expensis et in ipsa petia vinee facere le pruex de duodecim hominibus anno quolibet quinque annorum predictorum renuncio siquidem in hoc facto ex certa scientia exceptionibus doli mali vis metus lesionis vel circonuentionis in factum dicte venditionis non legittime facte dicte pecunie non habite et non numerate spei future habitionis et numerationis deceptionis vltra dimidiam vel minus dimidia justi precii seu in aliquo omni juri in fauorem mulierum introducto et omnibus aliis exceptionibus juris et facti que contra tenorem presencium possent obici seu dici voloque me compelli [] In quorum testimonium [] Actum in presencia Johannis Rateti notarii dyuionensis magistri Stephani le Montenet et Richardini Lombardi de Dyuione testium ad hec vocatorum anno et mense predictis