Charter Document - 05330068

Vniuersis presentes litteras jnspecturis officialis lingonensis salutem in domino Noueritis quod in presencia Johannis Francisci de Dyuione clerici tabellionis nostri jurati cui quantum ad hoc commisimus vices nostras propter hoc personaliter constitutus vir venerabilis et discretus dominus Hugo dictus dou Pautez de Dyuione canonicus sancti Kyriaci de Prunino olim officialis tornascensis sacerdos volens anime sue saluti prouidere dat cedit concedit et quittat in hereditatem perpetuam pro se et suis heredibus donatione pura et jrreuocabili facta inter viuos pro remedio anime sue et antecessorum suorum triginta solidos dyuionenses annui et perpetui redditus seu census Deo et religiosis conuentus ecclesie sancti Stephani dyuionensis ab eisdem religiosis vel suo mandato percipiendos et habendos annis singulis jmperpetuum a tenentibus et possidentibus quandam domum cum eius manso et pertinenciis que sita est Dyuione in vico es Aufrois vltra portam nouam iuxta domum que dicitur domus de Monreaul et domum Guioti Cardinet quam quidem domum tenet ad censam perpetuam ab eodem Hugone Laurentius Corrigiarius sub annuo censu seu redditu triginta solidorum dicte monete supra quam domum cum eius fundo manso et pertinenciis assessi sunt et assignati triginta solidi prefati monete eidem Hugoni et suis perpetuo persoluendi de quo quidem annuo redditu seu censu modo premisso assesso et assignato ipsi Hugoni debito jnuestiuit dictum conuentum et in possessionem corporalem jnduxit coram dicto jurato nostro per traditionem cuiusdam cedule quam tradidit fratri Theobaldo dou Pautez nepoti ipsius Hugonis canonico dicte ecclesie Rogans dictus Hugo tenore presencium religiosos antedictos quatenus ipsi quandiu dictus Hugo vixerit in humanis quarto kalendas decembris annis singulis jmperpetuum missam de Sancto Spiritu cum oratione pretende pro ipso Hugone et post decessum suum missam pro defunctis pro ipso et antecessoribus suis velint celebrare Promisit siquidem dictus Hugo bona fide et in verbo sacerdotis necnon et sub expressa obligatione omnium bonorum suorum mobilium et jmmobilium presencium et futurorum pro se et suis heredibus quos ad hoc obligat idem Hugo specialiter et expresse dictum annuum redditum seu censum dictis religiosis et suis successoribus perpetuo contra omnes garantire deffendere et in pace tenere in judicio et extra contra quascunque personas et in se littis onus suscipere et transferre contra omnes calumpniatores si qui super hoc apparuerint jnfuturum quod absit quancito et quocienscunque fuerit super hoc requisitus ac facere et prestare quicquid in causa euictionis debet fieri et prestari et contra tenorem presentium non venire jnfuturum quoquomodo facto verbo consensu vel jure seu consuetudine aut modo alio qualicunque Has autem donationem cessionem et quittationem ac omnia et singula predicta prout superius sunt expressa Johannes dictus dou Pautez et Boneta vxor Villermeti Rabi de Dyuione heredes affuturi dicti Hugonis coram dicto jurato nostro personaliter constituti laudauerunt approbauerunt et penitus confirmauerunt confitentes predicta omnia et singula prout superius exprimuntur de consensu suo expresso esse facta promittuntque per sua juramenta et sub obligatione omnium suorum bonorum quorumcunque contra tenorem presencium non venire per se vel per alium tacite vel aperte Supposuerunt jnsuper prefati Hugo Johannes dou Pautez et Boneta se heredes suos ac omnia bona sua quantum ad hoc jurisdicioni curie lingonensis In cuius rei testimonium ad requisitionem dictorum Hugonis Johannis dou Pautez et Bonete nobis factam predictum juratum nostrum qui nobis predicta retulit et cui quantum ad hec et maiora fidem plenariam adhibemus sigillum curie lingonensis presentibus litteris duximus apponendum Actum presentibus domino Odone Chastelaine curato de Ougiis presbitero et Johanne Cultilerii de Dyuione clerico testibus ad hoc vocatis die mercurii post festum Assumptionis beate Marie virginis anno Domini millesimo trecentesimo sextodecimo Johannes Francisci de Dyuione clericus jta est