Charter Document - 05330067
| Charter Number: | 05330067 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Lay |
| Charter Type(s): | Lease |
| Date: | 1316 |
| Date type: | Internal, A.D. |
| Resource Link(s): |
|
Charter:
In nomine domini amen Anno jncarnationis eiusdem millesimo trecentesimo sextodecimo mense julio nos Viuianus filius quondam Bernardi Guibert de Dyuione et Hugo Chopillex dicti loci notum facimus vniuersis quod cum Perronetus frater mei Viuiani predicti Odinus filius quondam Moriseti de Vergeyo et Johannetus li Copardez de Dyuione retinuerunt quilibet eorum jn solidum ad amodiationem a religioso viro et honesto fratre Hugone abbate monasterii sancti Stephani dyuionensis decimas messium proximo venturarum omnium bladorum terrarum sitarum in finagio dyuionense que decime ad ipsum monasterium sancti Stephani pertinent cum omnibus juribus ad dictas decimas spectantibus precio quatuor viginti et quindecim eminarum bladi frumenti et auene per medium quod bladum erat soluendum dicto abbati messibus supradictis et debebant dicti retentes dictum bladum ponere dictarum decimarum jn grangia dicti abbatis de Tulleyo Super quibus Bartholometus li Cliuex Perronetus filius quondam Villermi Guiller et Stephanetus Olearius de Dyuione constituerunt se quilibet jnsolidum fideiussores principales debitores et redditores Nos ad preces et requisitionem dictorum retentorum et fideiussorum constituimus nos quilibet nostrum jnsolidum in manu dicti abbatis et eius successorum vna cum dictis retentoribus et fideiussoribus et jnsolidum fideiussores principales debitores et redditores promittimus per juramenta nostra super sancta Dei euuangelia corporaliter prestita et sub obligatione omnium bonorum nostrorum predicta ad deffectum dictorum retentorum et fideiussorum et ad requisitionem dicti abbatis seu eius successorum penitus adimplere et contra tenorem presentium non venire tacite vel aperte Renunciamus in hoc facto ex certa sciencia omnibus exceptionibus que contra tenorem presentium possent obici seu dici et volumus nos compelli [] In quorum testimonium [] Actum jn presencia Johannis Piquardi coadiutoris Johannis Rateti notarii dyuionensis Balduyni Yuorini et Jaqueti de Poilleyo testium ad hoc vocatorum anno et mense predictis