Charter Document - 05330066
| Charter Number: | 05330066 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1316 |
| Date type: | Internal, A.D. |
| Resource Link(s): |
|
Charter:
In nomine domini amen Anno jncarnationis eiusdem millesimo trecentesimo sextodecimo mense iunio nos Johanna relicta Villemardi Chappon de Dyuione Bartholometus Moninus et Gileta eius liberi notum facimus vniuersis quod nos pro nobis et Perroneto filio mei dicte Johanne fratre que nostrum liberorum predictorum annis minore pro quo manucapimus et nos fortes facimus sine fraude et aliqua circonuentione vendimus concedimus et in perpetuam hereditatem pro nobis et nostris quittamus Girardo filio quondam Johannini dicti de Ponte de Accellis pro se et suis quandam domum absque manso et aliis pertinentiis sitam Dyuione in vico es channex iuxta domum Therrici de Tylicaslro ex vna parte et iuxta curiam nostram ex altera precio viginti quinque librarum bonorum paruorum turonensium quas a dicto emptore habuimus et recepimus in pecunia numerata et de eisdem nos tenemus plenarie pro contentis deuestientes nos nomine quo supra de dicta domo vendita inuestiendo dictum emptorem pro [se] et suis corporaliter de eadem tenemurque et promittimus nomine quo supra per iuramenta nostra super sancta Dei euuangelia corporaliter prestita et sub obligatione omnium bonorum nostrorum dictam domum a nobis venditam libere pro censu ad perticham prefato emptori et suis contra omnes perpetuo garantire deffendere et tenere in pace jn iudicio et extra nostris propriis sumptibus et expensis ac facere et prestare quicquid jn causa euictionis debet fieri et prestari facereque et procurare quod quancito dictus Perronetus ad etatem legittimam deuenerit venditioni huiusmodi suum prebebit consensum pariter et assensum Renunciamus siquidem in hoc facto exceptionibus dicte venditionis legittime non facte dicte pecunie non habite et non numerate spei future habitionis et numerationis deceptionis in aliquo et omnibus aliis que contra tenorem presencium possent obici seu dici Et volumus nos compelli [] In quorum testimonium [] Actum in presentia Johannis Rateti notarii dyuionensis Thierrici de Tilicastro et Guillermi filii quondam Villermi Saunerii de Dyuione testium ad hoc vocatorum anno et mense predictis