Charter Document - 05330063
| Charter Number: | 05330063 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1315 - 1316 |
| Date type: | Internal, A.D. |
| Resource Link(s): |
|
Charter:
In nomine domini amen Anno jncarnationis eiusdem millesimo trecentesimo quintodecimo mense martio die mercurii post dominicam qua cantatur judica me ego frater Alardus de Dyuione quondam prior de Fauerneyo canonicus monasterii sancti Stephani dyuionensis notum facio vniuersis quod cum antequam dictum monasterium fuerim ingressus et habitum dicte religionis susceperim quidam mansus situs Dyuione extra portam comitis juxta domum que fuit a la Piarde et domum heredum Borsetrouee esset de me proprio patrimonio et ego dictum mansum pro me et meis heredibus dederim concesserim et quittauerim penitus ac in perpetuum Deo priori et conuentui monasterii predicti Ego donationem concessionem et quittationem predictas volo rattiffico et approbo penitus et confirmo promittens bona fide et sub voto religionis mee contra tenorem presencium non venire omnibus exceptionibus postpositis et remotis In quorum testimonium litteris istis sigillum curie domini ducis Burgondie rogaui et rogo apponi Actum in presencia Johannis Piquardi coadiutoris Johannis Rateti notarii dyuionensis Alardeti de Fauerneyo clerici et Alardeti Mugnerii eiusdem loci testium ad hoc vocatorum anno et mense predictis