Charter Document - 05330055
| Charter Number: | 05330055 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1315 |
| Date type: | Internal, A.D. |
| Resource Link(s): |
|
Charter:
In nomine domini amen Anno jncarnationis eiusdem millesimo trecentesimo quintodecimo mense marcio ego Otheninus de Verrangiis domicellus frater fratris Stephani prioris de Thardo notum facio vniuersis tam presentibus quam futuris quod ego diu est donaui concessi et perpetuo pro me et meis heredibus quittaui donatione jrreuocabili facta inter viuos Deo priori et conuentui monasterii sancti Stephani dyuionensis pro se et eorum successoribus quartam partem decime campi de la fosse siti in finagio de Malliens juxta cheminum commune et partitur cum decimis prioratus de Thardo item et vnam secturam prati sitam in praeria de Verrangiis et partitur cum prato dicti prioris de Thardo et cum prato dictorum prioris et conuentus sancti Stephani quas quidem donationem concessionem et quittationem predictas feci pro anniuersario dicti prioris de Thardo fratris mei et mei ac antecessorum meorum singulis annis semel in anno in ecclesia dictorum religiosorum perpetuo celebrando promittens pro me et meis heredibus bona fide et sub obligatione omnium bonorum meorum contra donationem concessionem et quittationem predictas decetero non venire tacite vel aperte Renuncio siquidem in hoc facto pro me et meis heredibus ex certa sciencia exceptioni donationis concessionis et quittationis predictarum legitime et ob causam predictam non factarum et omnibus aliis exceptionibus juris et facti que contra tenorem presentium possent obici seu dici jurique dicenti generalem renunciationem non valere Et volo me compelli [] In quorum testimonium [] Actum in presentia Johannis Piquardi coadiutoris Johannis Rateti notarii dyuionensis fratris Johannis de Cheueigneyo quondam abbatis monasterii Belli Campi tullensis dyocesis domini Lamberti de Thardo presbiteri et Stephanini dicti de Accellis de Dyuione clerici testium ad hoc vocatorum anno et mense predictis