Charter Document - 05330051

In nomine domini amen Anno jncarnationis eiusdem millesimo trecentesimo quarto decimo mense octobris nos Guillermus Bolardeaux Guillermus Perrons dictus Brenoz frater suus Henricus Beliarz Aglantina li Quaille Constantius Broissoz Henricus Baillioz Henricus Broilloz Guillermus li jais Perrellus li Becenoz Johanninus Moquarz Guillermus li Cordelex Osanna li Saine Constantius Valenez Perrellus li Ostelex Jacobus li Violetez Gileta filia dicti Mofflot Hugonetus Fromaigoz Alaiseta relicta dicti Richardot Alaisona li Cloppe Henrricus Picherres Henricus li Jusserez Vienetus Cheneuilliez Guillermus li Renarz Clemencius filius Gobillot Alieta relicta Johannelli Perrinus carpentarius Belinus Bolardeaux Girardus li Garbillez Stephanus Jullez Alieta filia quondam Girardi Volant Juhanneta eius soror Mariona li Groue Nicholaus li Bataillez Hugueta relicta Huoti Johanneta filia dicti Girardeaul Alaidis et Guillermeta sorores sue Robertus filius quondam maioris et Guillermus eius frater Johanneta filia quondam dicti le Bataillet Robertus li Nains Richardus eius frater Michael Perrons Regnaudus Chardenaux Radulphus de Bures Hugonetus Barberius Guillermus li Trinque Guillermus Bergerius Johannes Puitoz Constantius Gratebois Johanneta li Rosse Johannes filius Roolini Perronetus Camaux Gelietus Jailloz Perroneta li Corberande Stephanus filius quondam Marcelli Mugnerii Moninus Bolardeaux Milotus eius frater Mariona Bodanne Perronetus Bouex Stephanus Triboloz Stephanus Valatre Roolinus Morelli Johanninus li Becenoz Mariona eius soror Regnaudus Astereaux Perrellus Gardechien Johannes li Ribauz Guiotus Astereaux Hugoninus Moreaux Girardus li Soictours Perroneta relicta Andree Margareta Polie Belota neptis sua Margareta de Villa Bicheti Beleta li Vielle Stephanus li Garbillez Perrellus Charbonex Alaiseta relicta Grenier Johannes li Chardenaux et Morellus li Beliez homines et habitatores ville de Villa subtus Geureyum notum facimus vniuersis presentes litteras jnspecturis quod cum discordia verteretur jnter religiosos viros fratrem Hugonem abbatem et conuentum monasterii sancti Stephani dyuionensis ordinis sancti Augustini lingonensis dyocesis legitimos dominos nostros ex vna parte et nos omnes predictos homines et habitatores dicte ville ex altera super eo quod dicti domini nostri dicebant et asserebant nos esse ipsorum homines tailliabiles et explectabiles alte et basse et quod nobis tailliam jmponere poterant magnam vel paruam pro sue libito voluntatis Item super eo quod predicti domini nostri quoddam nemus quod foresta vocatur quod lungo tempore ab ipsis tenemus pro duodecim eminis auene censualibus eisdem persoluendis ad manum suam retrahere volebant et nos ab eodem nemore totaliter repellere cum non possemus docere quod dictum nemus fuisset nobis traditum jmperpetuum pro censiua predicta nobis omnibus hominibus predictis jncontrarium asserentibus et dicentibus quod a tempore a quo non extat memoria fueramus jn possessione libertatis soluendi solummodo predictis dominis nostris et aliis a quibus causam habuerunt quinquaginta librarum dyuionensium pro taillia et nichil vltra vnquam a nobis seu predecessoribus nostris exigerent seu leuauerant toto tempore retroacto Et quod dictum nemus pro dicta censiua persoluenda tanto tempore tenueramus quod nobis sufficere debebat ad prescriptionem acquirandam licet per litteras vel alia documenta docere non possemus quod dictum nemus nobis jmperpetuum fuisset traditum pro dicta censiua persoluenda nec taillia aboniata tandem bonorum virorum freti consilio cum predictis dominis nostris jure vel jniuria nolentes contendere non coacti non decepti sed spontanea voluntate cum ipsis jn modum qui sequitur duximus concordandum videlicet quod nos et omnes habitantes et habitaturi in futurum dicte ville homines tailliabiles predictorum dominorum nostrorum sumus et erimus et eisdem pro taillia et nomine taillie quinquaginta librarum turonensium ad terminos infrascriptos videlicet jnfra bordas viginti quinque libras et alias viginti quinque libras jnfra festum beati Remigii decetero et nichil vltra pro taillia perpetuo persoluemus que quidem taillia per seruientem dictorum dominorum nostrorum vna cum tribus vel quatuor probis hominibus dicte ville jn quolibet termino eligendo equabitur jactabitur et jmponetur et per predictum seruientem prout cuilibet jmposita fuerit leuabitur et si dictus seruiens summam aliquibus jmpositam propter eorum paupertatem vel jmpotentiam leuare non potuerit deffectum recuperare poterit super alios potentiores dicte ville De nemore vero foreste jta concordatum est quod predicti domini nostri ipsum nobis dimiserunt et concesserunt jn vsagium perpetuum pro sexdecim eminis censualibus eisdem a nobis et ab omnibus qui jn dicto nemore vsum habere voluerunt annis singulis jnfra festum Omnium Sanctorum persoluendis pro gratia vero quam predicti domini nostri nobis fecerunt de predicte taillie aboniatione et nemoris predicti accensatione predictis dominis nostris quandam peciunculam nemoris que vocatur nemus d'Aiges quod tenebamus jn vsum communem tocius ville quictauimus et concessimus eisdem pro sua voluntate decetero perpetuo facienda jta cum quod si jn dicto nemore aliqua animalia nostra pasturancia jnuenta fuerint sine garda spontanea sed casu fortuito de quolibet animali sic jnuento poterunt leuare dicti domini nostri sex denarios et non amplius pro emenda nisi ex certa sciencia pastores animalia sua jn dicto nemore pasturando custodirent jn quo casu ad emendam [commu]nem proprie teneremur Concessimus eciam et ad hoc nos et nostros expresse obligauimus et obligamus quod quilibet homo locum et focum tenens jn dicta villa predictis dominis nostris jn vineis suis excolendis vnam corueyam faciat quam seruiens dicti loci pro predictis dominis nostris exiget a carnipriuio vsque ad Pascha qumcumque sibi placuerit et sibi viderit expedire ita tum quod cuilibet homini dictam corueyam reddenti seruiens qui dictas corueyas exiget quatuor nummatas panis in opere ministrabit vidue vero et orfane liberum non habentes qui quintum decimum annum compleuerit ad dictam corueyam faciendam minime tenebuntur et sciendum est quod de communi consensu nostro predicti domini nostri sibi retinuerunt jn nobis dicta villa omnimodam justiciam magnam et paruam census costumas et alias redeuencias suas et alia jura quecunque sint et quocumque nomine censeantur nisi hoc solum quod dictam tailliam vltra summam expressam contra voluntatem meam non poterunt augmentare Has autem pactiones omnes et singulas prout superius sunt expresse promittimus per juramenta nostra super sancta Dei euuangelia corporaliter prestita et sub obligatione omnium bonorum nostrorum mobilium et jmmobilium presencium et futurorum firmiter tenere et obseruare et non contravenire per nos vel per alium jnfuturum et volumus nos compelli [] In quorum testimonium [] Actum jn presencia Guioneti dicti Chargeret de Dyuione clerici coadiutoris Johannis Francisci de Dyuione clerici notarii dicti loci fratris Petri monachi et cellerarii sancti Leodegarii Hugonis de Verrangiis domicelli Vieneti dicti Maignot de l'Espai Humbeleti de Geureyo Lathomi et Hugonini Nardot dicti loci testium ad hoc vocatorum et rogatorum anno et mense predictis