Charter Document - 05330049

Vniuersis presentes litteras jnspecturis nos frater Hugo abbas et conuentus monasterii sancti Stephani dyuionensis notum facimus quod nos pensatis curialitatibus et seruitiis que et quas dilectus et familiaris noster Petrus de Molinis Dyuione commorans fecit et jmpendit nobis et monasterio nostro per longa tempora et vtiliter ac de die in diem facere et jmpendere non cessat nos in recompensacionem curialitatum et seruitiorum predictorum et vt magis nobis sit astrictus damus et concedimus eidem Petro pro nobis et successoribus nostris vnanimiter et concorditer fructus exitus et prouentus terrarum nostrarum arabilium quas habemus in finagio de Verrangiis ac eciam ipsas terras ab ipso seu eius mandato quandiu vixerit pacifice tenendos percipiendos et leuandos quarum quidem terrarum prima pecia continens quatuor journalia sita est in dicto finagio de Verrangiis iuxta terram Stephani le Grasset ex vna parte et terram Johannis Legier ex altera alia continens tria jornalia sita est in loco vbi dicitur ou paquier iuxta terram Michaelis Aurige ex vne parte et dictum pasquerium ex altera alia continens duo jornalia in loco dicto au terrant Maignant iuxta terram relicte Stephani le Grasset ex vna parte et terram liberorum au Pecandet ex altera alia continens quatuor jornalia in loco dicto en la paule iuxta terram domine de Chargeyo ex vna parte et terram Vieneti Rotarii ex altera jtem alias continens duo jornalia in loco dicto ou contour de la paule iuxta terram Hugonis Gelebert maioris de Verrangiis alia continens duo jornalia in loco dicto es courtoz iuxta terram Michaelis Aurige ex vna parte et terram Moingerdis filie Johannis Boudier de Verrangiis ex altera alia vero continens vnum jornale sita in dicto finagio iuxta terram Johannis Gonceot et est contorium aliarum terrarum Promittens bona fide et sub obligatione omnium bonorum meorum et dicti monasterii dictas terras dicto Petro quoad vixerit contra omnes garantire et contra predicta vel aliquid de predictis per nos seu successores nostros non venire tacite vel expresse In cuius rei testimonium sigilla nostra presentibus litteris duximus apponenda Datum die mercurii ante festum Natiuitatis beate Marie virginis anno domini millesimo trecentesimo quartodecimo