Charter Document - 05330044
| Charter Number: | 05330044 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1314 |
| Date type: | Internal, A.D., Feast |
| Resource Link(s): |
|
Charter:
In nomine domini amen Anno jncarnationis eiusdem millesimo trecentesimo quarto decimo mense aprilis post pascha ego Girardetus dictus Poigne de Clenay clericus notum facio vniuersis presentes litteras jnspecturis quod cum ego sin tantis oppressus debitis quod ad presens resurgere ac releuare non possum nisi aliquarum possessionum mearum alienatione perpetua medietante cum status meus cothidie peioretur propter vsurarum voraginem que me corrodit cothidie ego sponte et prouide non vi non dolo non metu ad hoc ductus nec ab aliquo in aliquo circonuentus sed spontaneus et prouisus vendo cedo concedo et imperpetuum quicto pro me et meis heredibus religiosis viris abbati priori et conuentui monasterii sancti Stephani dyuionensis pro se et suis successoribus pro pitancia conuentus antedicti facienda sustinenda manutenenda et multiplicanda quandam petiam vinee continentem circa tria jornalia ad vsus vtiles proprios et necessarios pitancie supradicte sitam in finagio de Aqueductu que quidem petia vinee vocatur vinea Liebant iuxta vineam Andree de Cheuaigneyo clerici et vineam dicti Legras quam quidem venditionem volo conuerti et poni perpetuo in vsus proprios et necessarios pictancie conuentus predicti et non alibi nec volo quod dictus abbas jn aliquo de emolumento dicte venditionis vel successores sui se intromittant aut vocem aliquam super hoc habeant nisi quantum vnus simpplex canonicus dicti monasterii jta vt dicta pitancia per ipsum abbatem minui non valeat seu in aliquo perturbari Hanc autem venditionem facio precio quater viginti et decem librarum bonorum forcium turonensium de quibus a dictis emptoribus solutionem jntegram recepi et habui in pecunia legittime numerata de quibus me teneo plenarie pro pagato penitus et contento deuestiens me et heredes meos de predicta petia vinee vendita et jnuestiens dictos emptores pro se et suis successoribus tenore presentium corporaliter de eadem Promittens pro me et meis per juramentum meum super sancta Dei euuangelia corporaliter prestitum et sub obligacione omnium bonorum meorum mobilium et jmmobilium presentium et futurorum dictam petiam vinee venditam dictis emptoribus et eorum successoribus quictam pro recto censu et decima contra omnes personas perpetuo et firmiter garantire pro vsibus et necessariis pitancie dicti conuentus ut dictum est in pace tenere meis propriis sumptibus et expensis si qui calumpniatores apparerent quancito quoscienscunque et quacunque parte litis a dictis emptoribus vel eorum causam habentibus super hoc fuero requisitus necnon facere et prestare quicquid in causa euictionis debet fieri et prestari Renuncio siquidem in hoc facto sub jam prestito juramento meo exceptionibus doli mali vix metus lesionis et circonuentionis jn factum dicte venditionis non legittime facte non habite pecunie supradicte spei future habitionis et numerationis byennalis solutionis probande seu repetande juri deceptionis ultra dimidium justi precii plus valere quod agitur quod quam simulate conscipitur deceptionis in aliquo fori cleri priuilegio juri hoc jus porrectum beneficio restitutionis jn jntegrum et omnibus aliis que contra tenorem presentium possent obici seu dici et juri dicenti generalem renunciationem non valere nisi precesserit specialis et volo me compelli [] In quorum testimonium [] Actum in presencia Johannis Sellarii de Dyuione clerici coadiutoris Johannis Francisci notarii dicti loci Guioti de Parrigneyo domicelli et Johannis Viniani de Sancto Juliano testium ad hoc vocatorum anno et mense predictis