Charter Document - 05330042
| Charter Number: | 05330042 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1313 |
| Date type: | Internal, A.D., Feast |
| Resource Link(s): |
|
Charter:
Vniuersis presentes litteras inspecturis nos Guillermus Amenein de Mota vicarius generalis in spiritualibus et temporalibus reuerendi in Christo patris ac domini domini Guillermi miseratione diuina episcopi lingonensis salutem in domino Noueritis quod nos compositionem ordinationem concessionem et aquitationem inter reuerendum in Christo patrem Robertum episcopum cabilonensem ac capitulum ecclesie eiusdem loci Cabilonis ex parte vna ac venerabilem patrem in Christo fratrem Hugonem abbatem monasterii sancti Stephani dyuionensis lingonensis dyocesis ordinis sancti Augustini ac ipsius monasterii conuentum ex altera et factas et habitas super capella seu domo de Breteneria dicte cabilonensis dyocesis et ecclesia parrochiali de Pruneriis eiusdem cabilonensis dyocesis considerata a nobis utilitate dicti monasterii ac diligenti informatione nobis prius per fidedugnos facta hoc cedere ad magnam vtilitatem et commodum dicti monasterii cedere ex potestate et auctoritate dicti domini episcopi lingonensis nobis commissa ratificamus approbamus et etiam confirmamus volentes eas perpetuam habere roboris firmitatem In cuius rei testimonium sigillum nostrum priuatum vna cum sigillo curie lingonensis presentibus litteris duximus apponendum Actum et datum die martis ante festum Ascensionis Domini anno eiusdem MCCCXIII