Charter Document - 05330039
| Charter Number: | 05330039 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1312 - 1313 |
| Date type: | Internal, A.D. |
| Resource Link(s): |
|
Charter:
Philippus Dei gratia Francorum rex bailliuo senonensi uel eius locum tenenti salutem Procurator sancti Stephani dyuionensis sua nobis conquestione monstrauit quod cum frater Hugo de Patando quondam domorum Templi in Francia visitator ante captionem Templariorum contra dictum monasterium super domo Dei de Branchons ad dictum monasterium tunc spectante mouisset non sine calumpnia ut idem procurator asserit questionem et coram pluribus fidedignis palam diceret quod jure uel iniuria dictam domum cum eius pertinenciis obtineret propter quod abbas dicti monasterii per dictum fratrem H expensis grauibus et immoderatis laboribus propter hoc fatigatus ac propter ipsius potentiam iusticie complementum non potuit tunc habere propter quod cum dicto fratre H eundem abbatem super dicta domo oportuit transigere vi et metu in predicti abbatis et sui monasterii preiudicium non modicum et grauamen Supplicans nobis instancius sibi per nos de oportuno remedio super hoc prouideri Quare mandamus vobis quatenus vocatis curatoribus bonorum Templi et aliis euocandis auditis dicti abbatis et curatorum huiusmodi rationibus et defensionibus et aliis que super hiis proponere voluerint ut ad vos pertinuerit exhibeatis super premissis adeo celestis iusticie complementum quod ad nos in vestri defectum non sit decetero propter hoc recurrendum Actum Parisius VII die marcii anno domini MCCC duodecimo