Charter Document - 05330038
| Charter Number: | 05330038 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1312 - 1313 |
| Date type: | Internal, A.D. |
| Resource Link(s): |
|
Charter:
In nomine domini amen Anno jncarnationis eiusdem millesimo trecentesimo duodecimo mense februarii nos Blainchona relicta Humbeleti Truier de Coicheyo Johannes et Girardus liberi eiusdem Blainchone liberique deffuncti Humbeleti predicti notum facimus vniuersis quod cum dictus Humbeletus olim vendiderit domino Johanni de Siureyo presbitero centum solidos monete communiter currentis pro tempore per ducatum Burgundie annui redditus ad vitam ipsius presbiteri et ad vitam fratris Amedei canonici monasterii sancti Stephani dyuionensis annuatim ad festum Natiuitatis beate Marie virginis persoluendos assederitque et assignauerit dictus Humbeletus dictos centum solidos reddituales super duas petias vinee sitas in finagio de Coicheyo quarum vna est es poitures iuxta vineam Griffonis Grain dorge et vineam Johanneti le Picaut et continet decem operatas alia vero est in vinea Cheurer iuxta vineam Monini Digenot et vineam Marie de Culley et continet duas operatas item super quandam peciam terre continentem vnum iornale sitam in finagio de Coicheyo es crais iuxta terram relicte Symonini Voillart et terram Huoti le Chat ex quo quidem redditu restant predicto domino Johanni de Siureyo soluende decem libre dyuionenses de arreragiis nos pro eo quod idem dominus Johannes nos pro nobis et nostris heredibus quittauit perpetuo penitus et absoluit de dictis centum solidis redditualibus et solutione eorum decetero facienda sibi vel suis aut canonico supradicto necnon et de arreragiis antedictis sponte et prouide considerata vtilitate nostra tradimus concedimus et quittamus penitus ac jn perpetuum pro nobis et nostris heredibus prefato domino Johanni de Siurey pro se et eius heredibus dictam peciam vinee sitam ut supra scribitur in loco vbi dicitur es poitures de qua quidem pecia vinee nos penitus deuestimus et dictum dominum Johannem pro se et suis inuestimus corporaliter de eadem eamque tenemur ex pacto et promittimus pro nobis et nostris heredibus per iuramenta nostra super sancta Dei euuangelia corporaliter prestita et sub expressa obligatione omnium bonorum nostrorum tam presentium quam futurorum dicto domino Johanni et eius heredibus contra omnes perpetuo garantire et in nos littis onus suscipere causamque deffendere si qui calumpniatores aut contradictores apparerent quancito quocienscunque et quacunque parte littis super hoc fuerimus requisiti necnon facere et prestare quicquid in causa euictionis debet fieri et prestari hoc tamen nobis et nostris heredibus saluo penitus et retento quod nos et nostri heredes a dictis centum solidis redditualibus eorum solutione decetero facienda et arreragiis predictis quitti fuimus penitus et immunes aliaque hereditagia in dictis assessione et assignatione contenta fuit ab omni obligatione causa redditus predicti penitus liberata renunciamus siquidem in hoc facto omnibus que contra tenorem presencium possent obici seu dici volentes nos compelli [] In quorum testimonium [] Actum in presencia Johannis Rateti notarii dyuionensis Clarambaudi de Ougiis pelliparii et Johannis filii Demoingeti cellarii testium ad hec vocatorum anno et mense predictis