Charter Document - 05330036

Nos frater Hugo abbas et conuentus monasterii sancti Stephani dyuionensis notum facimus vniuersis quod cum jnter nos ex vna parte et homines ville de Mirabello qui tenent et habent terras jn finagio Mirabelli tam communiter quam diuisim ex altera controuersia verteretur super eo quod nos terras finagiorum Mirabelli quibusdam dum tauxat exceptis nobis terciabiles dicebamus tandem vnanimiter compromisimus et compromittimus jn religiosum virum fratrem Poincardum priorem de Tylecastro magistros Haymonem de Dompna Petra canonicum cappelle ducis Hugonem dictum Grant de Mirabello et Guillermum de Oisilleyo domicellum tanquam jn arbitros arbitratores seu amicabiles compositores volentes et consentientes expresse quod dicti arbitri seu amicabiles compositores quatuor aut tres seu duo ex ipsis jta tamen quod dictus prior aut magister Haymo semper sint et tam [per] litteras quam per testes et alia documenta jnquirant et se jnforment de plano et sine figura judicii que terre dictorum finagiorum sunt nobis terciabiles et que non et jnquisisone super hoc habita pronuncient et declarent et quod premissa et premissorum singula facere possint diebus feriatis et non feriatis stando sedendo juris ordine seruato vel non seruato partibus presentibus aut etiam absentibus seu vna eorum presente et altera absente presenti compromisso vsque ad Purificationem beate Marie dum taxat duraturo hoc saluo quod dicti arbitri si expedire viderint possint etiam sine alio parcium consensu dictum terminum prorogare Promittentes pro nobis et successoribus nostris bona fide et sub voto religionis nostre et sub pena centum librarum tenere et jnuiolabiliter seruare quicquid per dictos arbitros quatuor seu tres aut duos ex ipsis dumtamen quod dictus prior aut magister Haymo cum duobus aliis aut eorum altero semper jntersit et concordet cum eisdem ordinauerint pronunciauerint seu declarauerint super discordia prelibata In cuius rei testimonium sigilla nostra duximus presentibus litteris apponenda Datum die jouis post festum Natiuitatis Domini anno eiusdem MCCC duodecimo