Charter Document - 05330033
| Charter Number: | 05330033 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1312 |
| Date type: | Internal, A.D. |
| Resource Link(s): |
|
Charter:
In nomine domini amen Anno jncarnationis eiusdem millesimo trecentesimo duodecimo mense nouembris ego Johannes maior de Villa subtus Geureyum notum facio vniuersis presentibus et futuris quod ego consideratis vtilitate et necessitate meis non vi non dolo non metu ad hoc ductus nec jn aliquo circonuentus vendo et jmperpetuum quitto pro me et meis heredibus venerabili patri jn Christo fratri Hugoni permissione diuina abbati monasterii sancti Stephani dyuionensis totoque eiusdem loci conuentui pro se et suis successoribus quandam peciam prati continentem circa tres secturas cum terrellis et sallicibus existentibus jn eadem sitam jn finagio de Villa subtus Geureyum jn campo episcopi juxta pratum a la Porretere et pratum heredum Perrelli Bretini de Broichons quittam ab omni onere item quamdam peciam terre cum tarrellis et salicibus existentibus jn eadem sitam in dicto finagio en la jonchere juxta terram Margarete relicte Monieti et juxta pascua quittam pro decima Quam vendicionem facio precio triginta septem librarum et decem solidorum turonensium duplicium de quibus a dictis emptoribus solutionem jntegram recipi et habui jn pecunia legittime numerata et me teneo plenarie pro pagato deuestiens me et heredes meos de predictis venditis et jnuestiens dictos emptores pro se et suis successoribus corporaliter de eisdem promittens pro me et meis heredibus per juramentum meum super sancta Dei euuangelia corporaliter prestitum et sub obligacione omnium bonorum meorum predicta vendita dictis emptoribus et suis successoribus libere pro onere predicto contra omnes perpetuo garantire et jn me littis onus suscipere causamque deffendere meis propriis sumptibus si qui calumpniatores aut contradictores apparerent quancito quocienscunque et quacunque parte littis super hoc fuero requisitus nec non facere et prestare quicquid jn causa euictionis debet fieri et prestari Ego vero Juhanneta vxor dicti Johannis si quid juris habeo jn predictis venditis ratione dotis dotalitii aut maritagii seu donationis propter nuptias illud quitto penitus et remitto dictis emptoribus et suis successoribus promittens per juramentum meum contra venditionem et quittationem predictas decetero non venire nec contrauenienti jn aliquo consentire Renunciando penitus jn hoc facto ex certa scientia exceptioni vendicionis legittime non facte non habite et non recepte pecunie supradicte deceptionis jn aliquo omni juri jn fauorem mulierum introducto omni consuetudini et statuto loci patrie que contra tenorem presentium possent obici seu dici Volentes nos compelli [] In quorum testimonium [] Actum jn presencia Johannis Rateti notarii Dyuionis Johannis de Parreceyo et Renaudi Cordubernarii dicti lou Bretom testium ad hoc vocatorum anno et mense predictis