Charter Document - 05330030
| Charter Number: | 05330030 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1312 |
| Date type: | Internal, A.D. |
| Resource Link(s): |
|
Charter:
In nomine domini amen Anno jncarnationis eiusdem millesimo trecentesimo duodecimo mense junii ego Ysabellis filia quondam domini Odonis de Mirabello militis vxor Perrelli dou Frestoy domicelli notum facio vniuersis quod cum ego tenerer ab antico ecclesie sancti Stephani dyuionensis jn quinque quartallis frumenti annui et perpetui redditus assessis et assignatis super hereditagium meum ego pro eo quod reuerendus jn Christo pater ac dominus frater Hugo Dei gracia dicte ecclesie abbas et conuentus eiusdem loci me et meos heredes quittauit perpetuo penitus et absoluit de dicto redditu laude et assensu dicti mariti mei trado cedo et quitto permutationis titulo predictis religiosis jn perpetuum omne jus et omnem partem seu portionem actionem et rationem quod et quam habeo habere possum vel debeo jn decima de Taigneaul item jn quadam pecia terre libera pro decima que continet circa jornale et dimidium et est sita jn finagio de Mirabello en champ Senon juxta terram prioris de Mirabello et terram liberorum Johanneti Serouhot Confiteor siquidem et assero dictam partem meam dicte decime esse de meo francho alodio et eam cum dicta pecia terre teneor ex pacto et promitto pro me et meis per juramentum meum super sancta Dei euuangelia corporaliter prestitum et sub obligatione omnium bonorum meorum dictis religiosis et eorum successoribus contra omnes perpetuo garantire et jn me littis suscipere si qui calumpniatores aut contradictores apparerent quancito quociens et quacunque parte littis super hoc fuero requisita nec non facere et prestare quicquid jn causa euictionis debet fieri et prestari Ego vero Perrellus predictus maritus dicte Ysabellis predicta laudo approbo et confirmo promittens per juramentum meum super sancta Dei euuangelia corporaliter prestitum contra tenorem presencium non venire Et jnsuper nos dicti coniuges renunciamus jn hoc facto ex certa sciencia omnibus exceptionibus juris et facti que contra predicta possent obici seu dici Volentes nos compelli [] In quorum testimonium [] Actum jn presencia Johannis Rateti notarii dyuionensis domini Andree curati de Germaines et domini Johannis Pitou testium ad hoc vocatorum anno et mense predictis