Charter Document - 05330021

In nomine domini amen Anno jncarnationis eiusdem millesimo trecentesimo vndecimo mense octobri ego Moinjardis vxor Symoneti barberii domini ducis Burgundie qu[ondam Hugonis] de Grangia et Helene vxoris dicti Hugonis filia notum facio vniuersis quod cum jnter religiosos viros abbatem et conuentum monasterii sancti Stephani dyuionensis ex vna parte [] controuersia verteretur super eo quod ego dicebam et asserebam terras jnferius designatas sitas in finagio de Cutigneyo jn jurisdictione et dominio dictorum religiosorum et quas ipsi religiosi ad [] et tenebant meas esse et ad me et sorores meas ex successione predictorum parentum nostrorum deuenisse ac postmodum diuisione hereditatis seu bonorum michi a meis sororibus communi [] decessum facta dictas terras vna cum quibusdam rebus aliis michi pro portione me contingente jn hereditate et bonis predictis a sororibus meis predictis datas esse traditas seu etiam [] quandam peciam terre sitam jn loco qui dicitur maulbocchet juxta terram liberorum Hugonis dicti Sarron ex vna parte et terram hospitalis jherosolimitani ex altera jtem vnam peciam terre [sitam jn loco qui dicitur] en champeaux juxta terram liberorum Aubrici Chappe et est contorium jtem vnam aliam petiam terre sitam jn dicto loco de champeaux jn contorio au iaissor juxta terram domicelli [] [jtem] vnam peciam terre sitam a la planchete juxta terram Pasquete filie Richerii Guerbille ex vna parte et terram Guillermi de Cutigneyo domicelli ex altera jtem vnam a[liam peciam terre] sitam retro domum dicti domicelli juxta terram ipsius ex vna parte et terram Hugonis Chappe ex altera jtem quandam aliam peciam terre sitam es arbues de vin arme iux[ta terram] predicti domicelli ex vna parte et terram liberorum dicte a la Barre ex altera jtem quandam aliam peciam terre sitam supra pre noueaul en la saue juxta terram Perroneti Felonese ex vna parte et [terram] liberorum Belini dou Pasquier ex altera jtem jn loco qui dicitur Gratelouf quandam aliam peciam terre sitam juxta terram dicti le Goncot jtem jn eodem loco quandam aliam peciam terre [sitam] juxta terram ecclesie sancti Stephani ex vna parte et terram heredum Vieneti Chappelu ex altera jtem quandam aliam peciam terre sitam a la barre dou bois juxta terram ecclesie dicti sancti Stephani et facit contorium jtem quandam aliam peciam terre sitam jn loco qui dicitur pre breton juxta terram Acelini de Sancto Apolinari ex vna parte et juxta pratum Perroneti Felemost ex altera jtem quandam aliam peciam terre sitam jn loco qui dicitur champ corbot juxta terram filiarum Ruffi de Remilleyo ex vna parte et terram Arbeleti Bouenot ex altera jtem jn loco qui dicitur es angletes duas alias pecias terre quarum vna sita est juxta terram dictarum filiarum Ruffi de Remilleyo et alia juxta terram Adeline quondam filie Johannis Poian ex vna parte et terram Girardi dou Pasquier ex altera jtem jn loco qui dicitur la ruote quandam aliam peciam terre sitam juxta terram Johannis Forestarii hinc et jnde jtem jn loco qui dicitur Nusenele duas pecias terre quarum prima sita est juxta terram Marie la Goillarde ex vna parte et terram que fuit Perron Poutreaul ex altera et alia sita est juxta terram Guillermi domicelli ex vna parte et terram Symonete quondam filie Hugonis Sarron ex altera jtem quandam aliam peciam terre sitam es arbues dessouz Mirandes juxta terram Guillermeti Borroise de Dyuione Quas quidem terras michi adiudicari petebam et a dictis religiosis michi reddi dictis religiosis dicentibus ex aduerso quod Hugo pater meus predictus dum viuebat et Helena mater mea predicta erant homines dictorum religiosorum tailliabiles et explectabiles jn villa de Cutigneyo et predictas terras et omnia que habebant jn finagio dicte ville tenebant tanquam tailliabiles et explectabiles a monasterio sancti Stephani prelibato et quod de gracia speciali sustinuerant quod dicta Helena mater mea dictas terras morando apud Dyuionem teneret deseruiendo a dictis religiosis et tailliam persoluendo et quod dictas terras ceperant tamquam illas de quibus hominem nec seruitorem habebant qui eis tailliabiliter deseruiret secundum quod ville et finagii de Cutigneyo et dictarum terrarum conditio requirebat et si jn dicta villa de Cutigneyo michi morari placeret vt eorum femina tailliabilis et explectabilis et secundum quod dicti loci et terrarum predictarum condicio requirit dictas terras michi libenter redderent et traderent alias aut ipsas michi minime reddere tenebantur Super quibus deliberacione cum amicis meis et precipue cum marito meo probata prehita diligenter et plenissime jnformata sciensque omnia et singula pro dictis religiosis proposita vera esse attendens etiam quod michi non esset vtile jn dicta villa de Cutigneyo morari et dictas terras cum sint tailliabiles tenere et deseruire et sic me esse tailliabilem oporteret idcirco de consensu et auctoritate mariti mei predicti presentis et michi jn hoc auctoritatem prestantis jn presentia religiosi viri fratris Hugonis abbatis dicti monasterii ex certa sciencia non vi dolo vel metu jnducta sponte confitens et asserens omnia premissa et singula vera esse prefatas terras et earum singulas et quicquid juris et actionis jn ipsis et jn toto finagio predicte ville de Cutigneyo habeo vel habere possum quoquomodo abbati et conuentui predictis et eorum monasterio dono cedo quitto penitus et remitto me eorum gracie et misericordie totaliter supponendam et postmodum bonis viris mediantibus cum dictis religiosis [] ducti de speciali gracia michi centum libras turonensium dupplicium dederint jn pecunia numerata et de quibus me teneo plenarie pro pagata Idcirco promitto dictis religiosis predictas terras contra sorores meas et quoscumque meos dictorum parentum meorum coheredes garantire si aliquid jn premissa vel aliquod premissorum peterent aut etiam reclamarent Et ego Symonetus predicte Moinjardis maritus omnia et singula prout superius sunt expressa confiteor ex certa sciencia et de consensu et auctoritate mea esse facta Promittentes nos Symonetus et Moiniardis predicti per juramenta nostra super sancta Dei euuangelia corporaliter prestita et sub obligatione omnium bonorum nostrorum mobilium jmmobilium presencium et futurorum predicta omnia et singula tenere et predictas terras predictis religiosis contra coheredes mei dicte Moinjardis vt premissum est garantire et facere et prestare quicquid jn causa euictionis debet fieri et prestari Renunciamus autem nos dicti coniuges jn hoc facto omnibus exceptionibus juris et facti que contra tenorem presencium possent obici siue dici Volentes nos compelli [] In quorum testimonium [] Actum jn presencia Johannis Rateti notarii dyuionensis Petri de Molendinis clerici morantis Dyuione jn monasterio sancti Stephani et Johannis li Lameroz testium ad hoc vocatorum anno et mense predictis