Charter Document - 05330020

In nomine domini amen Nos Poincetus de Chaudenayo domicellus et Ysabellis de Latreceyo eius vxor notum facimus vniuersis quod nos debemus quilibet jnsolidum domino Symoni de Latreceyo militi et fratri Odoni Varroquier canonico monasterii sancti Stephani dyuionensis et priori de Marcegnayo jn monte sexaginta libras turonensium paruorum bonorum et legalium ex causa mutui legictimi ab eisdem Symone et Odone nobis facti de ipsorum pura sorte jn bona pecunia legictime numerata sine aliqua specie fraudis vel vsure ac illicita pactione de quo quidem mutuo nos tenemus pro pagatis penitus et contentis Quam quidem pecunie summam tenemur et promittimus quilibet jnsolidum per juramenta nostra super sancta Dei euuangelia corporaliter prestita reddere et soluere jn pace et sine litte mouenda prefatis creditoribus aut vni ex ipsis vel latori presencium ad festum Omnium Sanctorum proximo venturum alioquin omnia dampna que occasione dicte pecunie dicto termino non solute dicti creditores aut vnus ex ipsis vel lator presencium se dixerint aut dixerit jncurrisse tenemur et promittimus quilibet jnsolidum per dicta juramenta nostra eisdem creditoribus aut vni eorum vel latori presencium resarcire pro quibus adimplendis obligamus prefatis creditoribus omnia bona nostra que si forte propter hoc capta fuerint vel vendita de ipsis recredentiam non petemus Renunciamus siquidem jn hoc facto ex certa sciencia sub prestitis juramentis exceptioni dicte pecunie ex dicta causa non debite mutui legittime non facti non numerate et non habite pecunie spei future numerationis et habitionis deceptionis jn aliquo beneficio Velleyani omnique juri jn fauorem mulierum jntroducto et omnibus aliis que contra tenorem presencium litterarum possent obici seu dici Et volumus nos compelli [] In quorum testimonium [] Actum de contractu mei Poinceti predicti in presencia Johannis Rateti notarii dyuionensis Jaqueti de Noidant domicelli et Jaqueti Gouernaul maioris de Coicheyo testium ad hoc vocatorum anno domini millesimo trecentesimo vndecimo mense junii De contractu vero mei Ysabellis predicte actum est jn presencia dicti notarii Johannis Minoy maioris de Roeles Johannis Botequin eiusdem loci et Lambeleti Morgoillon de Baiz testium ad hoc vocatorum anno predicto mense septembris