Charter Document - 05330019
| Charter Number: | 05330019 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Lay |
| Charter Type(s): | Lease |
| Date: | 1311 |
| Date type: | Internal, A.D. |
| Resource Link(s): |
|
Charter:
In nomine domini amen Anno incarnationis eiusdem millesimo CCC vndecimo mense iunii ego Johannes de Sancto Amore domicellus nepos et heres defuncte Stephanete vxoris quondam Perreneti de Ruppe forti clerici notum facio vniuersis quod ego sponte et prouide sine fraude et circunuentione aliqua trado ad censam perpetuam venerabili patri in Christo fratri Hugoni diuina miseratione abbati monasterii sancti Stephani dyuionensis pro se et successoribus suis ad opud et utilitatem dicti monasterii res inferius annotatas quas confiteor esse et mouere de fondo abbatis et monasterii predictorum videlicet decem et octo iornalia nemoris quod dicitur nemus de Roichefort et viginti octo iornalia terre arabilis sita in dicto finagio de Aqueductu prope Bellam Nouam item vnum hominem tailliabilem et explectabilem videlicet Huetum Milleran cum manso et tenementis eiusdem ac omnia alia et singula que habeo habere possum et debeo in villa et finagio de Aqueductu pro quadraginta solidis turonensium paruorum michi uel meis heredibus a dicto domino abbate uel eius successoribus annuatim apud Dyuionem ad mensem festi Resurrectionis Domini persoluendis quos quidem quadraginta solidos confiteor et assero esse et mouere de fondo abbatis et monasterii predictorum Et est actum inter me et dictum abbatem ac ex pacto specialiter et expresse deductum quod quancito idem abbas aut eius successores soluerit aut soluerint michi uel meis heredibus viginti libras turonensium predictorum ipse uel ipsi erit seu erunt ex tunc in antea a dictis quadraginta solidis michi uel meis heredibus ut dictum est soluendis annuatim quitti penitus et immunes et similiter ex tunc in antea ego et mei heredes erimus a seruitio dicti feudi quitti et penitus absoluti Nec autem sic accensata promitto pro me et meis heredibus per stipulationem sollempnem et per iuramentum meum super sancta Dei euuangelia corporaliter prestitum et sub obligatione omnium bonorum meorum prefato domino abbati et eius successoribus contra omnes perpetuo garantire et contra predicta uel aliquid de predictis non venire tacite uel expresse Renunciando in hoc facto ex certa sciencia omnibus exceptionibus iuris et facti que contra tenorem presentium litterarum possent obici seu dici et precipue iuri dicenti generalem renuntiationem non valere Volens me compelli [] In quorum testimonium [] Actum anno et mense predictis