Charter Document - 05330016

Nos frater Hugo abbas monasterii sancti Stephani dyuionensis notum facimus vniuersis quod cum nobilis vir Robertus quondam dux Burgondie dominus Johannes de Acellis dominus Petrus de Pommarto magister Guillermus de Gileyo et magister Petrus dictus Petiz canonicus leodicensis clerici defuncti fideles Dei pro remedio animarum suarum et earum saluti prouidere curantes attendentes quod pium essel pro defunctis exhorare vt a peccatis soluantur in suis testamentis seu vltimis voluntatibus certas pecuniarum summas conuentui nostro legauerunt et dederunt videlicet dominus Robertus quondam dux Burgundie decem libratas terre monete turonensis annui et perpetui redditus pro quibus ab executoribus dicti domini ducis centum libras turonenses recepimus et habuimus in pecunia numerata item dominus Johannes de Acellis quadraginta libras dominus Petrus de Pommarto tringinta libras magister Guillermus de Gilleyo sexaginta libras et magister Petrus dictus Petiz decem libras predicte monete pro perpetuis redditibus acquirendis et emendis in aumentationem pictantiarum et propriorum usuum conuentus nostri predicti tantumden conuertendis et ponendis Nosque abbatem predictum ac conuentum nostrum predictum dicti defuncti et eorum quilibet in suis testamentis seu vltimis voluntatibus rogauerunt vt in die sui obitus annis singulis perpetuo pro remedio animarum eorum in ecclesia nostra anniuersaria sollempnia prout moris est pro quolibet faciamus Et quia reges et principes seculares jmpediunt nec permittunt quod nos seu cetere regni Francorum ecclesie bona mobilia seu redditus perpetuos acquiramus confitemur nos abbas predictus pro nobis et successoribus nostris nos predictarum pecuniarum summas de consensu et voluntate conuentus nostri predicti recepisse integre et habuisse ab heredibus seu executoribus testamentorum seu vltimarum voluntatum predictorum defunctorum et in vsus vtiles et necessarios nostri monasterii conuertisse videlicet pro expensis a nobis in curia romana factis ratione confirmationis et compositionis inhite inter nos ex vna parte et decanum et capitulum capelle Dyuionis domini ducis Burgondie ex altera super causa que inter nos et ipsos per longa tempora in curia romana extitit ventilata item et pro blado et vino quam plurimum nobis necessariis a nobis emptis anno domini millesimo trecentesimo decimo et duobus annis jmmadiate sequentibus quibus fuit maxima omnium fructuum sterilitas in villa et finagio Dyuionis et locis coniunctiuis adeoque tanta vel consimilis fuerit retroactis temporibus memoria hominum non existis item et pro eo quod tempori dicte compositionis predictis decano et capitulo remisimus et quittauimus triginta quatuor solidatas terre ad monetam Dyuionis de annuo et perpetuo redditu predicto conuentui nostro debitas a dictis decano et capitulo tam pro anniuersario magistri Columbi in ecclesia nostra predicta pro ipso perpetuo celebrando quam ex aliis certis causis et pro quibusdam aliis redditibus pecuniariis a nobis predicto abbate dictis decano et capitulo debitis ab eisdem decano et capitulo nobis quittatis penitus et remissis Nos vero nolentes quod predicti defuncti suis vltimis voluntatibus defraudentur sed ut eorum desideria justa et salubria jmpleantur loco et vice dictorum perpetuorum reddituum emendorum de summis pecuniariis predictis a nobis vt supradictum est receptis quandam peciam vinee continentem circiter quatuor jornalia sitam in finagio de Talento in loco vbi dicitur faissoles juxta vineam Andree Porrier de Talento vineam Guillermi Lefroit de Sancto Secano clerici et Guillermi le Vertuour burgensis dyuionensis ex vna parte et juxta vineam Perrini Neille de Alta Villa et Andree le Forer de Talento ex altera et contornat super vineam jnfirmarii sancti Benigni et super viam publicam per quam jtur de Talento apud Dyuionem eiusdemque prouentus fructus et exitus qui ex jnde in futurum perpetuo percipientur aut percipi poterunt in aumentationem pictancie conuentus nostri predicti nos abbas predictus ponimus damus et jmperpetuum assignamus conuentui nostro predicto cum proprietate et possessione eorumdem volentes et concedentes pro nobis et successoribus nostris quod dicta vinea cum proprietate et possessione eiusdem ac eiusdem fructus prouentus et exitus in aumentationem dicte pictancie dicti conuentus nostri perpetuo conuertantur et quod secundum dispositionem prioris claustralis et conuentus monasterii nostri predicti sicut alia ad pictanciam conuentus assignata ad dictam pictanciam totaliter conuertantur Nos vero conuentus monasterii predicti per presentes cunctis esse volumus manifestatum predictum dominum abbatem nostrum predictas pecuniarias summas ab heredibus seu executoribus predictorum defunctorum de consensu nostro et voluntate recepisse et habuisse et in dictos vsus vtiles et necessarios monasterii nostri conuertisse dictamque vineam cum fructibus exitibus et prouentibus eiusdem nobis a dicto domino abbate datam et concessam et perpetuo assignatam ratione dictarum summarum pecuniarias in aumentationem pictancie nostre acceptamus promittimusque dicta anniuersaria pro dictis defunctis die obitus sui vt supradictum est in ecclesia nostra singulis annis pepetuo celebrare Promittentes nos abbas et conuentus predicti et singuli nostrum pro nobis et successoribus nostris et sub voto et in vin voti religionis nostre omnia et singula supradicta tenere et eadem perpetuo et jnuiolabiliter obseruare et contra eadem aut aliqua premissorum non venire aut venire volenti consentire per nos uel per alium tacite vel expresse Et vt predicta omnia et singula perpetuo roborum habeant firmitatem sigilla nostra hiis presentibus litteris duximus apponenda in testimonium veritatis Datum et actum in capitulo nostro anno domini millesimo trecentesimo decimo mense februarii die veneris ante festum beati Petri ad catedram