Charter Document - 05330013
| Charter Number: | 05330013 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1310 |
| Date type: | Internal, A.D. |
| Resource Link(s): |
|
Charter:
In nomine domini amen Anno jncarnationis eiusdem millesimo trecentesimo decimo mense mayo ego Johannes dictus de Perreceyo de Dyuione clericus notum facio vniuersis presentes litteras inspecturis quod cum controuersia verteretur inter me ex vna parte et viros religiosos fratrem Stephanum priorem ecclesie sancti Stephani dyuionensis et conuentum eiusdem loci ex altera super eo quod dicti religiosi in domo mea sita Dyuione in vico monialium de Tardo juxta domum meam ex vna parte et domum ligneam Guillemardi Chappon ex altera quendam murum fecerant qui in aliqua sui particula super solum et mansum meum videlicet ab vltimo hostio portici a parte chassi domus mee et a solario cellarii dicte domus vsque ad extremitatem dicti muri per grossitudinem vnius pugni quare petebam id quod de dicto muro super terram meam positum fuerat tolli et mansum meum vacuari Tandem bonis viris mediantibus est in modum qui sequitur inter me et dictos religiosos amicabiliter concordatum videlicet quod dictus murus in suo statu remanebit et habebo jus ponendi et tenendi in dicto muro tres boichetos exeuntes dictum murum per vnum pugnum a parte domus mee et ponendi super illos boichetos columpnas ligneas tectum domus mee nunc existentis in parte sustinentes et quandiu dicti religiosi dictos boichetos in dicto muro michi sustinebunt habere ego aut heredes mei seu a me causam habentes dictos religiosos compellere non poterimus nec debebimus imposterum ad illam muri particulam que sita est super terram seu mansum meum vt supra dictum est admouendam et est sciendum quod per appositionem dictorum boichetorum in dicto muro sic positorum ego aut heredes mei vel a me causam habentes in muro predicto aliquid juris proprietatis vel saisine non debebimus aut non poterimus imposterum nisi pugnum quod supradictum est reclamare Promittens pro me et meis heredibus et a me causam habentibus vel habituris per juramentum meum super sancta Dei euuangelia corporaliter prestitum et sub obligatione omnium bonorum meorum predictam concordiam firmiter tenere jnuiolabiliter obseruare et non contra venire per me vel per alium seu alios in futurum volens me [] In quorum testimonium [] Actum in presencia Johannis Rateti notarii dyuionensis Perroneti Poissenot et Johannis Piquardi de Longo Vico clerici testium ad hec vocatorum anno et mense predictis