Charter Document - 05330009
| Charter Number: | 05330009 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1309 |
| Date type: | Internal, A.D. |
| Resource Link(s): |
|
Charter:
In nomine domini amen Anno jncarnationis millesimo trecentesimo nono mense augusti ego Johannes filius quondam Andree de Cutigneyo cordubernarii de Dyuione notum facio vniuersis quod ego sponte et prouide non dolo ductus nec in aliquo circonuentus vendo concedo et quitto religiosis viris priori et conuentui monasterii sancti Stephani dyuionensis quandam peciam terre sitam jn finagio de Cutigneyo [] juxta terram Andrieti de Pasquerio et terram Jaqueti Sarron Item quandam peciam terre sitam in dicto finagio super pratum Bergent juxta terram Thierrieti Quartier et terram liberorum Belini de Pasquerio Item quandam aliam peciam terre sitam jn dicto finagio es quarres juxta terram religiosorum predictorum hinc et jnde Item quandam aliam peciam terre sitam jn loco vbi dicitur ou maul boichot juxta terram Perrelli de la Barre et terram Forquaudi filii Item quandam aliam peciam terre sitam jn loco vbi dicitur es descorz des vignes juxta terram Griffonis Grain Dorge et terram que fuit Renaudi Pautini Que quidem vendicio facta est precio viginti et duarum librarum turonensium duplicium de quibus a dictis religiosis solucionem jntegram habui et recepi Quare de predictis venditis me penitus deuestio et dictos emptores pro se et eorum successoribus jnuestio corporaliter de eisdem Promittens pro me et meis heredibus per juramentum meum super sancta Dei euuangelia corporaliter prestitum et sub obligatione omnium bonorum meorum tam presencium quam futurorum predicta vendita libere pro onere suo dictis religiosis et eorum successoribus contra omnes perpetuo garantire ac facere et prestare quicquid jn causa euictionis debet fieri et prestari Renuncio siquidem jn hoc facto ex certa sciencia pro me et meis sub prestito juramento exceptioni venditionis legittime non facte et pecunie non numerate ac non habite vel recepte Volens me compelli [] In quorum testimonium [] Actum in presencia Johannis Rateti notarii dyuionensis Johannis Teste et Guioti de Mirabello clerici testium ad hoc vocatorum anno et mense predictis