Charter Document - 05330004
| Charter Number: | 05330004 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1308 - 1309 |
| Date type: | Internal, A.D., Feast |
| Resource Link(s): |
|
Charter:
In nomine domini amen Anno jncarnationis eiusdem millesimo trecentesimo octauo mense marcio ante Pascha ego Vienetus Flamanz de Marcegnayo jn monte notum facio vniuersis quod ego feci pacta et conuentiones cum fratre Johanne sacrista monasterii sancti Stephani dyuionensis que sequuntur videlicet quod pro viginti solidis turonensium duplicium michi a dicto sacrista traditis et solutis nec non pro medietate fructuum cuiusdam pecie vinee ad sacristiam dicti monasterii pertinentis que sita est jn finagio de Marcegnayo predicto es chesaux juxta vineam domini Galteri de Boux et juxta quandam charmam percipienda leuanda et habenda a me jn vindemiis proximo venturis ego teneor et promitto per juramentum meum super sancta Dei euuangelia corporaliter prestitum et sub obligatione omnium bonorum meorum dictam peciam vinee bene et fideliter excolere vsque ad dictas vindemias jn omnibus saisionibus et temporibus oportunis Preterea confiteor me debere dicto sacriste centum et decem solidos dicte monete quos ab eodem mutuo legittimo habui et recepi et quos promitto per dictum juramentum meum soluere dicto sacriste aut mandato suo latori presencium ad vindemias supradictas obligans propter hoc jn manu dicti creditoris medietatem meam fructuum predictorum quam medietatem meam volo quod secundum eius valorem dictus creditor capiat et habeat ad eximationem presbiterorum virorum jn solutionem et acquittationem debiti prenotati Si autem defecero quod absit in aliquo de premissis tenebor resarcire dicto sacriste aut eius mandato predicto sub obligatione et juramento predictis omnia dampna que occasione dicti defectus se dixerit jncurrisse Et volo me compelli ad omnia et singula supra et jnfra scripta tenenda et obseruanda quasi ex re adiudicata per curiam domini ducis Burgundie cuius jurisditioni quod ad hoc suppono me et meos heredes obligo siquidem jn manu dicti sacriste specialiter quandam peciam terre sitam jn loco qui dicitur pasquerius de Perrigneyo juxta terram Guillermeti Oiselot et terram dicti Feurier volens quod dictus sacrista aut eius mandatus dictam peciam terre vendat pro premissis sibi adimplendis si defecero jn aliquo de eisdem In quorum testimonium litteris istis sigillum dicte curie rogaui apponi Actum jn presencia Johannis Rateti notarii dyuionensis Guioti de Mirabello et Johanneti generi Menesserii testium ad hoc vocatorum anno et mense predictis