Charter Document - 05330003
| Charter Number: | 05330003 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1308 - 1309 |
| Date type: | Internal, A.D., Feast |
| Resource Link(s): |
|
Charter:
In nomine domini amen Anno jncarnationis eiusdem millesimo trecentesimo octauo mense marcio ante Pascha ego Johannes dictus li Corbes de Cutigneyo notum facio vniuersis quod ego pro remedio anime mee et animarum antecessorum meorum do et concedo jn elemosinam perpetuam donatione jrreuocabili facta jnter viuos Deo ac priori et conuentui monasterii sancti Stephani dyuionensis quindecim solidos dyuionenses annui et perpetui redditus seu census Quos teneor ex pacto et promitto pro me et meis heredibus per juramentum meum super sancta Dei euuangelia corporaliter prestitum reddere et soluere annuatim decetero ad festum Penthecostes prefatis religiosis aut eorum mandato secum presentes litteras deferenti Assideo autem et assigno dictos quindecim solidos super meam terciam partem cuiusdam pecie prati continentem circa duas secturas sitam jn finagio de Cheuaigneyo juxta pratum religiosorum dicti monasterii hinc et jnde Volens et concedens quod si forte me vel meos heredes deficere contingerit jn solutione dictorum quindecim solidorum dicti religiosi videlicet dicti prior et conuentus per se vel per mandatum suum ad dictam terciam partem recurrant eam que teneant et possideant fructus suos faciendo ex eadem quousque de dicto defectu et dampno propter hoc habitis fuerit eisdem plenarie satisfactum Super quibus dampnis volo quod dicti prior et conuentus aut ipsorum dictum mandatum credantur seu credatur per suum simplex verbum alia probatione minime requisita Et volo me compelli ad premissorum obseruanciam quasi ex re adiudicata per curiam domini ducis Burgundie cuius jurisditioni quo ad hoc suppono me et meos heredes In quorum testimonium litteris istis sigillum dicte curie rogaui apponi Actum jn presencia Johannis Rateti notarii dyuionensis dicte Fluriote Adelinete eius filie Alaisote de Malliens filie Alaissannier et Alaisote filie quondam Hugonis dicti Bele Femme testium ad hoc vocatorum anno et mense predictis