Charter Document - 05329007
| Charter Number: | 05329007 |
|---|---|
| Cartulary Title: | Chartes de l'Abbaye de Saint-Etienne de Dijon. Chartes des années 1300-1309. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1290 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Nos Lambertus decanus et capitulum capelle domini ducis Burgundie Lingonensis diocesis notum facimus omnibus presentes litteras inspecturis quod nos magistrum Iohannem Escharni Odonem le Motot Bonum Amicum de Diuione Petrum de Marieyo et Bartholomeum de Marcennayo in Bosco clericos latores presentium et quemlibet eorum insolidum nostros procuratores facimus et constituimus generales in omnibus et singulis causis quas habemus et habituri sumus coram quibuscumque iudicibus delegatis subdelegatis conseruatoribus bailliuis prepositis maioribus arbitris et aliis quibuscumque contra quascumque personas ecclesiasticas et seculares Dantes eisdem procuratoribus cuilibet per se et insolidum ita quod non sit melior conditio occupantis plenam potestatem et mandatum speciale agendi pro nobis nosque deffendendi petendi excipiendi replicandi duplicandi triplicandi proponendi litem contestandi iurandi in animas nostras de calumpnia et de ueritate dicenda tam super principali quam super accessorio et expensis petendi expensas iurandi super eisdem et eas recipiendi si que nobis fuerint adiudicate et faciendi cuiuslibet alterius generis sacramentum quod in causis exigitur ponendi positionibus alterius partis respondendi testes producendi in testes et dicta testium alterius partis dicendi conueniendi reconueniendi interlocutoriam et diffinitam sentenciam audiendi a quolibet grauanime appellandi appelationem suam seu appelationes prosequendi et innouandi beneficium absolutionis nostre impetrandi alium procuratorem loco sui substituendi et substitutum reuocandi quocienscumque sibi uiderint expedire presente procuratorio nichilominus in suo robore duraturo et omnia alia et singula facienda que nos faceremus uel facere possemus si presentes essemus Ratum et gratum plenius habituri quicquid per dictos procuratores uel per alterum eorumdem seu per substitutum ab ipsis aut ab eorum altero factum fuerit seu etiam procuratorum promittentes sub ypotheca rerum nostrarum ecclesiasticarum et mundanarum si necesse fuerit iudicatum solui et hec omnibus quorum interest uel intererit tenorem presentium intimamus In cuius rei testimonium litteris istis sigilla nostra duximus apponenda Actum anno Domini millesimo ducentesimo octogesimo decimo mense aprilis