Charter Document - 05328007

Uniuersis presentes litteras inspecturis nos frater Hugo abbas monasterii Sancti Stephani Diuionensis totusque eiusdem loci conuentus ordinis Sancti Augustini Lingonensis diocesis notum facimus quod cum in causa appelationis et negocii principalis que inter nos ex una parte et decanum et capitulum capelle domini ducis Burgundie de Diuione ex altera uentilatur in Romana curia super quibusdam iuribus parrochialibus et aliis diuersis articulis processum sit usque ad productionem et examinationem testium et sanctissimus pater et dominus Bonifacius sacrasancte et uniuersalis ecclesie summus pontifex uiris uenerabilibus et discretis decano Sedelocensis Eduensis diocesis magistro Petro de Sinemuro Eduensis et Bartholomeo de Bosco Cabilonensis canonicis ecclesiarum per apostolica scripta dederit in mandatis quod ipsi aut ipsorum duo apud Diuionem accedentes iuramento a partibus de ueritate dicenda recepto partes compellant ad respondendum positionibus negatis et illis quibus non est sufficienter responsum faciant plenarie respondere ac deinde testes litteras et instrumenta que utraque partium predictarum super eorum articulis producere uoluerunt recipiant ac testes qui producti fuerint examinent diligenter Nos unanimiter et concorditer nostros procuratores facimus et constituimus et etiam ordinamus Fratres Poincardum priorem de Mirabello Iohannem Belorgerii canonicos nostros et Ansericum de Laniis clericum curatum Sancti Iohannis Pontis Scissi Lingonensis diocesis et quemlibet eorum insolidum ad insinuandas et presentandas litteras apostolicas predictis iudicibus et ad supplicandum eisdem ut in dicto negocio dignentur procedere iuxta tenorem et formam sibi in predictis litteris apostolicis commissam et ad audiendum et referendum super hoc responsionem ipsorum et cuiuslibet eorumdem Dantes et concedentes predictis procuratoribus nostris et cuilibet eorumdem plenam et liberam potestatem in dicta causa iurandi in animas nostras de calumpnia seu de ueritate dicenda positionibus et articulis partis aduerse respondendi testes et instrumenta producendi pro nobis et partis aduerse testes repellendi in ipsos et dicta eorum dicendi et omnia alia et singula faciendi coram predictis iudicibus que cause merita et status requirunt et que nos faceremus seu facere possemus si presentes essemus Ratum et gratum plenius habituri quicquid per dictos procuratores nostros uel per quemlibet eorum insolidum in premissis et quolibet premissorum factum fuerit seu etiam procuratum promittentes sub ypotheca rerum monasterii nostri predicti si necesse fuerit iudicatum solui Protestantes expresse quod propter presens procuratorum non intendimus magistrum Regnaudum de Monte Antelini procuratorem nostrum in dicta causa reuocare nec potestati sibi a nobis date tanquam procuratori nostro in aliquo derogare et hec uniuersis quorum interest uel intererit tenorem presentium intimamus