Charter Document - 05321034

Uniuersis presentes litteras inspecturis nos frater Hugo abbas monasterii Sancti Stephani Diuionensis Lingonensis diocesis ordinis Sancti Augustini totiusque eiusdem loci conuentus notum facimus quod nos constituimus facimus et ordinamus procuratores nostros speciales fratrem Hugonem de Marcennayo concanonicum nostrum et Ansericum rectorem ecclesie Sancti Iohannis Pontis Scissi et eorum quemlibet insolidum ita quod non sit melior conditio occupantis in omnibus et singulis causis controuersiis dissensionibus et querelis quas habuimus habemus et habere intendimus contra uenerabiles uiros et discretos decanum et capitulum capelle domini ducis Burgundie Dyuionensis Dantes eisdem procuratoribus nostris et cuilibet eorum insolidum plenam et liberam potestatem ac mandatum speciale agendi pro nobis nosque deffendendi litem seu lites contestandi proponendi respondendi excipiendi replicandi duplicandi triplicandi componendi transigendi pasciscendi compromittendi compromissum pena uallandi fideiubendi testes documenta et instrumenta producendi dicendi tam in testes quam in dicta testium interlocutoriam et diffinitiuam sentenciam audiendi iurandi in animas nostras de calumpnia et de ueritate dicenda in causis premissis contra dictos decanum et capitulum dicte capelle motis uel mouendis appellandi appellationem persequendi beneficium absolutionis nostre si necesse fuerit impetrandi et omnia alia et singula faciendi que nos faceremus et facere possemus in premissis uel de premissis si presentes essemus Ratum et gratum plenius habentes et habituri quicquid per dictos procuratores nostros aut per quemlibet eorum factum fuerit seu etiam procuratum Promittentes bona fide et sub ypotheca rerum monasterii nostri predicti si necesse fuerit iudicatum solui cum suis clausulis et hec omnibus quorum interest uel interesse poterit tenore presentium intimamus In quorum omnium testimonium sigilla nostra presenti procuratorio duximus apponenda Datum et actum die Martis post Annunciationem Beate Marie Uirginis anno Domini millesimo trecentesimo primo [] Supradicti procuratores nomine procuratorio predictorum dominorum suorum et pro ipsis mandato speciali uirtute et potestate sibi concessis ab eisdem prout in dictis litteris procuratoriis plenius continetur super omnibus querelis controuersiis discordiis questionibus actionibus exortis et habitis a tempore retroacto usque ad diem confectionis presentium litterarum et specialiter super causa seu lite que inter predictos dominos suos in Romana curia uentilatur compromiserunt concorditer in discretos uiros dominum Galterum de Boux curatum de Faenayo et canonicum capelle predicte et fratrem Ponczardum priorem de Mirabello canonicum Sancti Stephani predicti tanquam in arbitros arbitratores seu amicabiles compositores Dantes et concedentes predictis arbitris potestatem cognoscendi super predictis et quolibet premissorum inter partes predictas et quod predictas questiones et quamlibet earumdem possint pace uel iudicio terminare infra festum Assumptionis Beate Marie Uirginis proximo uenturum ita quod cognoscendo et discutiendo super singulis articulis dictarum questionum articulos super quibus eis prius liquere poterint quanticius commode poterunt terminabunt illos uero articulos qui sibi dubii uidebuntur decident infra tempus predictum Uoluerunt etiam dicti procuratores nomine quo supra et expresse consenserunt quod predicti arbitri possint cognoscere super predictis diebus feriatis et non feriatis sedendo stando omni hora et omni loco in scriptis uel sine scriptis deplano et sine strepitu iudicii iuris ordine seruato seu etiam pretermisso prout eis melius uisum fuerit expedire possint etiam cognoscere et diffinire partibus presentibus uel procuratoribus earumdem uel altera se per contumaciam absentante seu procuratore eiusdem Actum est etiam inter procuratores predictos quod dicti arbitri possint sentenciam seu sentencias suas semel et pluries declarare et interpretari Si uero super premissis probationes facti necessarie fuerint predicti arbitri super hoc prout eis melius uisum fuerit ordinabunt Si autem dicta discordia super predictis articulis uel aliquo premissorum per predictos arbitros infra predictum tempus terminata non fuerint questiones in Romana curia uentilate que per prefatos arbitros terminate non fuerint ad sedem apostolicam referentur Et dicte partes per procuratores ydoneos in quinta decima die mensis octobris proximo futuri si fuerit dies iuridica alioquin die proximo sequenti iuridica apostolico conspectui se representare teneantur super articulis per premissos arbitros non decisis prout de iure fuerit processurum secundum statum in quo erat uel esse poterat et debebat dicta causa in termino dictis partibus a domino Odone cantore ecclesie Cabilonensis et magistro Bartholomeo de Bosco canonico eiusdem ecclesie prefixo Quem terminum predicti procuratores nomine quo supra usque ad predictam diem quintam decimam ipsius mensis octobris ex certa sciencia prorogarunt Hoc acto quod instructiones que coram dictis arbitris facte fuerint in Romana curia habeant roboris firmitatem declaratione preiudicatione seu diffinitione super aliis articulis si quas fuerint dicti arbitri in suo robore duraturis tenebuntur Si quid dicte partes sub pena decem librarum per se uel per procuratores ydoneos coram dictis arbitris comparere quociens et quando dicti arbitri dictas partes uel procuratores earumdem duxerint euocandi que pena totius committetur quociens altera partium se contumaciter absentabit Promittentes adinuicem dicti procuratores nomine quo supra bona fide per stipulationem solempnem ad opus dominorum suorum predictorum sub pena mille florenorum auri se facturos et curaturos quod predicte domini sui omnes prefatas conuentiones et pacta et quicquid per predictos arbitros ordinatum fuerit seu etiam diffinitum seruabunt tenebunt et complebunt Cuius contrarium si contingeret inueniri altera partium recedente ab aliquo premissorum dicti procuratores obligauerunt et obligant nomine quo supra se et dictos dominos suos ad penam mille florenorum auri predictorum confitentes se et dictos dominos suos esse predicte pene obnoxios ac etiam obligatos si a diffinitione terminatione seu pronunciatione dictorum arbitrorum super predictis articulis in toto uel in parte resilire contingat uel nisi apud sedem apostolicam si representarent ut dictum est et comparerent in dicto termino super questionibus non decisis per dictas arbitros processuri prout superius est expressum Si uero dicta pena mille florenorum commitatur ab aliqua partium predictarum uel procuratore earumdem resiliente in toto uel in parte semel uel pluries ab aliquo premissorum dicta pena applicabitur parti parenti Et non obstante commissione dicte pene durabit nichilominus usque ad tempus prefixum potestas dictorum arbitrorum et ualebit quod per ipsos fuerit ordinatum et tociens committatur dicta pena quociens aliqua dictarum partium ab aliquo premissorum uoluerit resilire Promisit insuper dictus procurator decani et capituli predictorum nomine procuratorio ipsorum sub pena predicta se facturum et curaturum quod dictum capitulum sigillum suum huic presenti instrumento apponet una cum sigillis dictorum abbatis et conuentus et quod cum decanus in dicta capella creatus fuerit ac etiam confirmatus una cum capitulo predicto rata et firma habebit omnia et singula supradicta infra quindecim dies postquam fuerit ex parte dictorum religiosorum super hoc requisitus et huic presenti monumento et aliis litteris que super pronunciatione seu ordinatione dictorum arbitrorum facte fuerint uel fieri contigerit per eosdem dictus decanus sigillum suum apponet una cum sigillis abbatis et conuentus et capituli predictorum de quibus etiam penis si eas in aliquo casu committi contingat Discretus uir Humbertus de Braiseyo burgensis de Diuione ad requisitionem dicti procuratoris abbatis et conuentus idemque Humbertus ad requisitionem dicti procuratoris dictorum decani et capituli se fideiussorem constituit et obligauit solempni stipulatione interueniente inter procuratores predictos et eorum quemlibet nomine procuratorio et Humbertum fideiussorem prefatum Promittens dictus Humbertus fideiussor prefatus per iuramentum suum super hoc corporaliter ad sancta Dei euangelia prestitum ac etiam sub obligatione omnium bonorum suorum mobilium ac immobilium presentium et futurum se in casu commissionis dictarum penarum uel cuiuslibet earumdem quando sibi de commissione huiusmodi constiterit per iuramentum abbatis Sancti Stephani predicti uel decani dicte capelle eas uel eam soluere parti parenti aut extunt tradere et deliberare parti parenti uadia competentia ductibilia et portabilia de quibus habere poterunt integraliter dicte pene commisse Et uoluit dictus fideiussor se posse compelli ad predicta tamquam ex re adiudicata per curiam cuiuslibet iudicis omni exceptione cessante Promiserunt insuper dicti procuratores nomine quo supra per iuramenta sua in animis dictorum dominorum suorum corporaliter prestitum ad sancta Dei euangelia predicta omnia et singula inuiolabiliter obseruare ac supra dictum fideiussorem super dicta fideiussione quilibet eorum uidelicet in quantum pro parte sua fidemiubsit indempnem penitus obseruare Acta sunt hec apud Dyuionem in loco in quo predictum capitulum dicte capelle et canonici eiusdem loci consueuerunt capitulare anno indictione et die supranotatis presentibus discretis iuris magistris Aymone de Auxona Iohanne dicto Escharny domino Guidone de Edua canonicis dicte capelle magistro Anserico curato de Buxeroliis et domino Galtero curato de Prunayo Lingonensis diocesis et pluribus aliis testibus ad premissa uocatis et rogatis anno indictione die et mense predictis