Charter Document - 05320072
| Charter Number: | 05320072 |
|---|---|
| Cartulary Title: | Chartes de l'Abbaye de Saint-Etienne de Dijon. Chartes des années 1300-1309. |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1307 - 1317 |
| Date type: | Assigned |
| Resource Link(s): |
|
Charter:
Reuerendo patri suo in Christo ac domino W Dei gratia Lingonensi episcopo J decanus christianitatis Dyuionensis debitam reuerenciam cum salute paternitati nostre Notum facio quod omnes homines de Domoy laude et assensu Haymonis et Odonis militum dominorum eiusdem uille et filiorum eorumdem Iohannis et Petri et Odonis iurauerunt terram ipsosque heredes suos perpetuo debitores constituerunt quod redderent et reddi facerent ecclesie Sancti Stephani Dyuionensis infra portas abbacie decem minas bladi receptibilis nomine pensionis ita quod medietas sit fromenti et medietas auene usque ad festum Omnium Sanctorum inintegrum persoluendas abbas uero et conuentus Sancti Stephani Dyuionensis concesserunt eis perpetuum Boscum quod dicitur Chambertum et la Guiote et duas partes cuiusdam curuate que sita sunt iuxta uillam de Dyuione tali tenore adiuncto quod si dicti homines dicte ecclesie loco et tempore decem minas non reddiderint dominus abbas capiet Boscum et la Guiote hominibus memoratis excommunicationis nichilominus supponendis