Charter Document - 05320068
| Charter Number: | 05320068 |
|---|---|
| Cartulary Title: | Chartes de l'Abbaye de Saint-Etienne de Dijon. Chartes des années 1300-1309. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1308 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo octauo mense septembris ego Remondus de Thardo notum facio uniuersis presentibus et futuris et per iuramentum meum super sancta Dei euangelia prestitum corporale in ultima uoluntate confiteor et assero quod terre que uocantur de Decima Sancti Petri et quod ego admodiaui a priori de Thardo debent decimas et tercias dicto priori de Thardo et dictas decimas et tercias recepi et persolui priori supradicto per decem annos et hoc confiteor esse uerum prout est supradictum Uolens me et heredes meos ad premissa tenenda compelli quasi ex re adiudicata per curiam domini ducis Burgundie cuius iuridictioni quo ad hoc suppono me et meos heredes et bona mea In quorum testimonium istis litteris sigillum dicte curie rogaui et optinui apponi Actum in presencia Symoneti Iudei notarii Roure domini Iohannis de Fixins canonici Sancti Stephani Dyuionensis Perreneti Aisire de Thardo et Perreneti filii magistri Lamberti testium ad hoc uocatorum anno et mense predictis