Charter Document - 05320067
| Charter Number: | 05320067 |
|---|---|
| Cartulary Title: | Chartes de l'Abbaye de Saint-Etienne de Dijon. Chartes des années 1300-1309. |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1308 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo octauo mense iulii ego Moninus de Uella subtus Geureyum domicellus quondam filius Ysabelle domicelle notum facio uniuersis presentibus quod ego non deceptus nec circonuentus sed spontanea uoluntate et ex certa sciencia confiteor et recognosco me tenere ab antiquo et tenere debere in feodum et casamentum a uiris religiosis abbate et conuentu Sancti Stephani Dyuionensis dominis meis quandam peciam terre arabilem sitam in finagio de Uella subtus Geureyum in loco ubi dicitur es Quarrez iuxta terram liberorum Perrelli domicelli dicte uille et iuxta terram liberorum Iohannis Guillemotat quamquidem peciam terre pro euidente utilitate et ulgente necessitate predictis religiosis eorum monasterio successoribus suis in perpetuum uendo trado quitto et delibero precio uidelicet sexdecim librarum et decem solidorum Turonensium dupplicium quas a dictis religiosis recepi et habui in pecunia numerata et de quibus me teneo plenarie pro pagato Quare de predicta pecia terre me et meos penitus deuestio et dictos religiosos inuestio de eadem pro uoluntate sua perpetuo facienda Promittens per iuramentum meum datum super sancta Dei euangelia corporale et sub obligatione omnium bonorum meorum dictam peciam terre predictis religiosis et suis successoribus contra omnes personas in perpetuum pacifice garantire quittam et liberam pro onere suo persoluendo renuncians autem in hoc facto ex certa sciencia doli mali metus lesionis uel deceptionis in factum uendicionis non legitime facte pecunie non habite et non recepte et iuri dicendi generalem renunciationem non ualere Confiteor etiam et ex certa sciencia assero me tenere et tenere debere ab antiquo a predictis religiosis et eorum successoribus in feodum et casamentum domum meam in qua inhabito sitam apud Uillam subtus Geureyum cum orto uirguto uinea et toto manso in quo sita est dicta domus qui mansus situs est iuxta mansum Iohannis maioris dicte Uille et iuxta uineam Stephani Brecey et Iohannis Uison item et quatuor pecias terre arabilis sitas in finagio dicte Uille quare prima sita est iuxta uiam publicam et iuxta terram a la Grosse secunda en Museram iuxta terram dictorum religiosorum et iuxta terram liberorum Fabri de Uohone tercia sita est in territorio de Baulanges iuxta terram liberorum Perrelli domicelli et iuxta terram liberorum Iohannis de Thart et quarta sita est in dicto territorio iuxta terram Templariorum et iuxta terram liberorum dicti Iohannis de Thart Promittens per iam prestitum iuramentum meum et sub obligatione predicta contra confessionem seu declarationem feodi predicti non uenire ymo de eadem predictis religiosis dominis meis et suis successoribus seruire et seruicium reddere prout de iure et de consuetudine feodum et casamentum requirit et importat De quorum omnium premissorum obseruanciam uolo me compelli quasi ex re adiudicata per curiam domini ducis Burgundie cuius iuridictioni quo ad hoc suppono me et meos heredes In cuius rei testimonium litteris istis sigillum dicte curie rogaui et obtinui apponi Actum in presencia Iohannis Rateti de Belna clerici notarii Dyuionensis Iohannis maioris de Uilla subtus Geureyum Roberti clerici et Iohannis fratris clerici testium ad hoc uocatorum anno et mense predictis