Charter Document - 05320065
| Charter Number: | 05320065 |
|---|---|
| Cartulary Title: | Chartes de l'Abbaye de Saint-Etienne de Dijon. Chartes des années 1300-1309. |
| Charter Language: | Latin |
| Charter Origin: | Religious |
| Charter Type(s): | Purchase |
| Date: | 1308 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo octauo mense iunio ego Simona Berbia relicta Perelli Ratedi de Bergis notum facio uniuersis presentes litteras inspecturis quod ego pro utilitate mea speciali et heredum meorum retinui ad censum perpetuum pro me et heredibus meis ab Hugone presbitero magistro domus Dei de Brochons duas petias terre sitas in finagio de Bergis in loco qui dicitur es Noere Sancte Marie prima iuxta terram Milleti dicti Cornu secunda iuxta terram Iohannis Ialici Item una pecia prati sita in preria de Bergis in loco ubi dicitur in Magno prato iuxta pratum Perelli Boisot uidelicet pro uno bicheto frumenti ad mensuram Dyuionensem respectu decime de Bergis Promittens per iuramentum meum pro me et meis heredibus quod ad hoc obligo super sancta Dei euangelia prestitum corporale et sub obligatione bonorum omnium meorum mobilium et immobilium presentium et futurorum soluere et reddere quolibet anno dictum frumentum dicto fratri Hugoni et eius successoribus apud Broichons ad festum Natiuitatis Domini sine lite et sine impedimento cum omnibus dampnis que dictus frater Hugo aut successores occasione defectus mei uel heredum se dixerit aut dixerunt incurrisse Et hoc promitto facere tenere adimplere sub ui mei prestiti iuramenti et sub obligatione bonorum meorum supradicta Uolens me ad premissa tenenda compelli quasi ex re adiudicata per curiam domini ducis Burgondie cuius iuridicioni quo ad hoc suppono me et bona mea In quorum testimonium istis litteris sigillum dicte curie rogaui et obtinui apponi Actum in presentia Symoneti Iudei notarii Iohannis Paiot de Collenot Hugonis filii Remundi de Thardo et Isabellis uxoris Iacobi Berberii de Rouura testium ad hoc uocatorum anno et mense predicto