Charter Document - 05320060
| Charter Number: | 05320060 |
|---|---|
| Cartulary Title: | Chartes de l'Abbaye de Saint-Etienne de Dijon. Chartes des années 1300-1309. |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1307 |
| Date type: | Internal, A.D., Feast |
| Resource Link(s): |
|
Charter:
Uniuersis presentes litteras inspecturis officialis Lingonensis salutem in Domino Noueritis quod in presencia Thierrici de Tylicastro clerici tebellionis nostri iurati ad hoc specialiter deputati cui quantum ad hoc commisimus uices nostras propter hoc personaliter constitutus dominus Amedeus rector ecclesie de Gemellis presbiter recognouit et confessus est sponte et prouide considerata utilitate sua retinuisse ad admodiationem seu firmam a uiris religiosis priore et conuentui monasterii Sancti Stephani Diuionensis quamdiu rector erit memorate ecclesie dictus Amedeus quicquid uiris patronatus habent et habere possunt et debent dicti religiosi in ecclesia de Gemellis predicta et capella Pichengis pro sexdecim libris Turonensium paruorum bonorum et legalium quas dictus Amedeus quamdiu rector erit ecclesie supra dicte reddet et reddere tenetur et promissit per iuramentum suum prepositis euangeliis sanctis corporaliter prestitum et per stipulationem legitimam et solempnem dicto priori et conuentui et eorum successoribus uel eorum mandato singulis annis in festo Beati Remigii incipiet autem fieri prima solutio dicte summe pecunie in festo Beati Remigii quod erit anno Domini millesimo trecentesimo octauo Renumerans in hoc facto dictus Amedeus ex certa scientia exceptioni dicte retentionis non legitime facte et deceptionis in aliquo fori priuilegio omni consuetudini et statuto loci et patrie et omnibus exceptionibus iuris et facti Uoluit insuper dictus Amedeus compelli ad premissorum obseruanciam per nos uel per officialem Lingonensem qui pro tempore fuerit per censuram ecclesiasticam tanquam ex re adiudicata per curiam Lingonensem cuius iuridictioni quo ad hoc supposuit se et omnia bona sua In quorum testimonium ad requisitionem dicti Amedei nobis factam per Thierrici de Tylicastro clericum mandatum nostrum iuratum qui nobis predicta retulit et cui quantum ad hoc et maiora uices nostras commisimus et fidem plenissimam adhibemus sigillum dicte curie presentibus litteris duximus apponendum Datum die Martis post festum Omnium Sanctorum presentibus Guidone de Bese domicello Iohanne maiore de Uilla Perreneto Barlere seruiente domini ducis et Bonoamico Bucherelle de Dyuione testibus ad hoc uocatis et rogatis anno Domini millesimo trecentesimo septimo Thierricus de Tylicastro ita est