Charter Document - 05320059
| Charter Number: | 05320059 |
|---|---|
| Cartulary Title: | Chartes de l'Abbaye de Saint-Etienne de Dijon. Chartes des années 1300-1309. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1307 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo septimo mense iulio ego Iohannes dictus Chastelains de Thardo Uilla notum facio uniuersis presentibus et futuris quod ego sponte et prouide uendo concedo et quitto perpetuo Othonino de Uercellis domicello medietatem molendini quod uocatur molendinum de Ioncheres cum omnibus pertinenciis et appendiciis dicti molendini quod est situm de subtus Uerrangias iuxta pascuam item unam peciam terre continentem circiter tria iornalia sitam ante dictum molendinum intra dictum molendinum et terram Roberti Male Paye precio uidelicet nouies uiginti librarum Dyuionensium de quibus solutionem integram habui et recepi et emptore supra dicto et me teneo penitus pro pagato Quare de predictis uenditis me penitus deuestiens et dictum empotrem corporaliter inuestio de eisdem pro uoluntate sua et suorum heredum penitus et perpetuo facienda Promittens per iuramentum meum pro me et meis heredibus super sancta Dei euangelia corporale prestitum dicta uendita dicto emptori et suis heredibus contra omnes perpetuo et pacifice ab omni feodo et retro feodo obligatione alienatione debito et omni alio onere seruitutis garantire pro duobus solidis censualibus quos dominus de Thardo habet de annuo redditu super dictum molendinum in die festi Omnium Sanctorum persoluendum et me in omni iudicio et extra iudicium pro dicto emptore et suis promitto contra omnes opponere meis sumptibus propriis et me omne onus litis suscipere quamcito et quociens super hoc fuero requisitus et facere et prestare quicquid in causa euictionis debet fieri et prestari et in nullo de cetero contraire per me uel per alium tacite uel aperte et pro garantia melius portanda obligo dicto Othonino et suis omnia bona mea mobilia et immobilia presencia et futura et specialiter campum meum de la Male Terre continentem circiter septem iornalia situm in finagio de Thardo iuxta terram Demoinigeti lou Moissenet ex una parte et iuxta nemus de Laier ex altera ad quem campum uolo et concedo quod dictus Othoninus et eius heredes reccurrant recurrere possint et debeant si ego uel heredes mei defecerimus in premissis et dictum campum teneant et possideant fructus suos ex eo faciendo quasi ex re sua propria quousque de dictis uenditis fuerunt in possessione pacifica et quieta et quousque sibi de dampnis propter hoc habitis satisfactum sit integraliter et perfecte Et ego per dictum iuramentum meum dictum campum eisdem garantire ego uero Monigardis uxor dicti uenditoris dictam uenditionem laudo concedo et confirmo et confiteor omnia supradicta de uoluntate mea et consensu meo esse facta et quitto penitus et perpetuo dicto emptori et suis omnia supradicta prout superius sunt expressa Promittens per iuramentum meum super sancta Dei euangelia datum contra predictam nec tenorem istarum de cetero non uenire Nos ambo coniuges renunciantes in hoc facto pro dicto iure nostra omnibus exceptionibus iuris et facti et iuridicenti generalem renunciationem non ualere Uolumus nos ad premissa tenenda compelli quasi ex re adiudicata per curiam domini ducis Burgundie cuius iuridictioni quo ad hoc supponimus nos et heredes nostros et bona nostra In quorum testimonium istis litteris sigillum dicte curie rogauimus apponi Actum in presencia Andree de Campo Uento notarii de Auxona Domini Lamberti de Thardo et Domini Leobaldi de Pruners testium ad hoc uocatorum anno et mense predictis