Charter Document - 05320058
| Charter Number: | 05320058 |
|---|---|
| Cartulary Title: | Chartes de l'Abbaye de Saint-Etienne de Dijon. Chartes des années 1300-1309. |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1307 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo septimo mense iunii ego Odo dictus Uandas de Talento notum facio uniuersis presentibus et futuris quod cum discordia uerteretur inter religiosos uiros abbatem et conuentum monasterii Sancti Stephani Dyuionensis ex una parte et me predictum Odonem ex altera super eo quod ego commorans apud Talentum tenere et possidere uolebam libere et absque taillia quinque pecias terre arabilis sitas in finaigio de Aqueductu quarum una sita est subtus plantam dicti Lalemant iuxta terram filie Changier item alia sita est au ue de Fontenois iuxta terram Deniseti le Uandois et iuxta terram liberorum Parent alia sita est ou larretet iuxta insulam Petri Rechaingnart quitta pro decima sua solummodo alia sita est au uie forche iuxta terram dictorum les Montons de Asneriis et alia sita est ante molendinum Sancti Stephani predicti de Aqueductu iuxta terram Symonis Boussart quas quidem pecias terre dicti religiosi dicebant et asserebant esse sibi tailliabiles et explectabiles et mouere de manso suo tailliabili ac etiam sibi debere annis singulis unum bichetum bladi frumenti et auene per medium ex annuo redditu qui uulgariter dicitur ranterre una cum decima et dymidia tertia Asserebant etiam dicti religiosi dictas terras talis esse condicionis quod nullus ipsas tenere seu possidere poterat nisi esset homo ipsorum commorans apud Aqueductum sine reclamacione alterius dominii soluens eis tailliam et alia seruicia consueta tandem bonis uiris mediantibus dicta discordia extitit terminata in hunc modum Quod dicti religiosi uolentes michi facere gratiam specialem uoluerunt et consenserunt quod ego predictas terras commorans apud Talentum uel ubi maluero teneam et possideam usque ad decem annos a data presentium numerandos sub condicionibus infrascriptis uidelicet quod ego Odo predictus teneor et promitto per iuramentum meum datum super sancta Dei euuangelia corporale et sub obligacione omnium bonorum meorum anno quolibet dictorum decem annorum pro taillia et nomine taillie reddere et soluere dictis religiosis uel eorum mandato apud Aqueductum decem solidos Diuionensium ad festum Beati Remigii et predictum bichetum dicti bladi de ranterre una cum decima et tertia supradictis prout soluere tenentur de terris suis ceteri homines dicte uille elapso uero dicto decennio nisi ego uel aliquis heredum meorum qui michi ab intestato deberent succedere moram apud Aqueductum sub dominio dictorum religiosorum sine reclamacione alterius dominii contraheremus seruiendo eis et soluendo tailliam et alia seruicia consueta prout ceteri homines dicte uille Uolo et expresse consencio quod ex tunc in anima dicti religiosi predictas terras tanquam suas proprias et sibi commissas auctoritate sua propria capiant et de ipsis gaudeant et fructus suos faciant et suam totaliter uoluntatem sine reclamacione aliqua a me uel meis imposterum facienda Et uolo me compelli ad omnia predicta tenenda quasi ex re adiudicata per curiam domini ducis Burgondie cuius iuridicioni quo ad hoc suppono me et meos heredes In cuius rei testimonium litteris istis sigillum dicte curie rogaui et obtinui apponi Actum in presencia Iohannis Rateti de Belna clerici notarii Dyuionensis Uillemeti Grimoart Robelyni Charmote et Symoneti le Chanchiez testium ad hoc uocatorum anno et mense predictis