Charter Document - 05320056
| Charter Number: | 05320056 |
|---|---|
| Cartulary Title: | Chartes de l'Abbaye de Saint-Etienne de Dijon. Chartes des années 1300-1309. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1307 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo septimo mense aprilis ego Iohanneta uxor Perroneti Champion de Dyuione notum facio uniuersis quod ego laude dicti mariti mei in perpetuum uendo Richardo Chier fil de Cutigneyo tres pecias terre sitas in finagio de Cutigneyo primam en Anuoiche iuxta terram Perroneti Felemot et terram Uillermeti Chape quittam pro seruitute aliam en Estarnoul iuxta terram Arbeleti Arige et terram domini Goillont quittam pro decima et terciam en Rosieres iuxta soillionem Boni Ualleti Felemot et terram ecclesie Sancti Stephani quittam pro onere quam uenditionem facio precio sex librarum et decem solidorum Turonensium duplicium michi a dicto emptore integraliter solutorum Quare teneor et promitto per iuramentum meum et sub obligatione bonorum meorum omnium dictas res uenditas dicto emptori et suis contra omnes perpetuo garantire hanc autem uenditionem ego Perronetus maritus dicte uenditricis uolo et laudo et in nullo per iuramentum meum contraire promitto Uolentes nos dicti coniuges compelli ad premissorum obseruanciam quasi ex re adiudicata per curiam domini ducis Burgundie cuius iuridictioni quo ad hoc supponimus nos et heredes nostros In quorum testimonium litteris istis sigillum dicte curie supplicauimus apponi Actum in presencia Iohannis Rateti notarii Dyuionensis Ualteri de La Barre et Iohanneti de Berra testium ad hoc uocatorum anno et mense predictis