Charter Document - 05320055
| Charter Number: | 05320055 |
|---|---|
| Cartulary Title: | Chartes de l'Abbaye de Saint-Etienne de Dijon. Chartes des années 1300-1309. |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1306 - 1307 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo sexto mense martii Ego Iohannes Ruffus dictus Bruanz de Roura notum facio uniuersis quod ego facio permutationem et excambium perpetuum cum religiosis uiris abbate et conuentu Sancti Stephani Dyuionensis in hunc modum Quod pro eo quod dicti religiosi michi perpetuo quittauerunt et remiserunt quinque bichetos auene ad mensuram Dyuionensem in quibus ego dictis religiosis tenebar de annuo et perpetuo redditu et qui siti erant et assignati super duo iornalia terre arabilis cum dimidio sita in finagio de Roura in loco ubi dicitur es rotures des brullez iuxta terram heredum dompni Lamberti de Roura et iuxta terram mei Iohannis predicti Ego ratione permutationis antedicte trado pro me et meis imperpetuum et concedo predictis abbati et conuentui et eorum successoribus quandam peciam prati sitam in finagio de Cutigneyo en Baamont iuxta nemus quod uulgariter apellatur bois Uaissanges et rippariam de Baamont Quam petiam prati teneor et promitto pro me et nostris per iuramentum meum et sub obligatione bonorum meorum omnium dictis religiosis et eorum successoribus liberam pro onere suo contra omnes in iuditio et extra perpetuo et firmiter garantire deffendere et in pace tenere meis propriis sumptibus et expensis et contra predicta uel aliqua de predictis de cetero non uenire Uolens me compelli ad omnium obseruantiam premissorum tanquam ex re adiudicata per curiam domini ducis Burgundie cuius iuridictioni quo ad hoc suppono me et heredes meos In quorum testimonium litteris istis sigillum dicte curie suplicaui et obtinui apponi Actum in presencia Iohannis Rateti de Belna clerici notarii Dyuionensis fratris Iohannis Belorgerii canonici Sancti Stephani Dyuionensis et Perroti de Formant clerici testium ad hoc uocatorum anno et mense predictis