Charter Document - 05320054
| Charter Number: | 05320054 |
|---|---|
| Cartulary Title: | Chartes de l'Abbaye de Saint-Etienne de Dijon. Chartes des années 1300-1309. |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1306 - 1307 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo sexto mense marcio ego Damerona relicta Reynaudi dicti Perreni de Thart notum facio uniuersis quod ego pro utilitate mea permuto et permutatione perpetua facio cum Othenino de Uercellis domicello in hunc modum Quod pro eo quod dictus Otheninus in perpetuo tradidit et quittauit unam secturam cum dymidia sectura prati sitam in prairia de Thart castro au Uez de Leote iuxta pratum liberorum Pourchacent et iuxta pratum magistri Boni Amici Petit Boriois de Dyuione clerici et partiuntur cum Clemencio Pasqote pro tribus obolis censualibus Ego propter hoc permutando trado et in perpetuum quitto et delibero dicto Othenino unam peciam terre continentem circiter quinque iornalia sitam in finaigio de Uerranges subter molendynum iuxta ripperiam et iuxta pasquerium et contornat super terram Prioris de Thart quittam et liberam pro decima quam terram confiteor habuisse pro reemptione a dicto domicello quam terram predictam acquisierat a Iohanne Chastelein de Thart quondam patre meo quam peciam terre ratione permutationis predicte promitto per iuramentum meum datum super sancta Dei euangelia corporale et sub obligatione omnium bonorum meorum dicto Othenino et suis heredibus in perpetuum contra omnes personas pacifice garantire et contra dictam permutationem de cetero non uenire Uolens me compelli ad premissa tenenda quasi ex re adiudicata per curiam domini ducis Burgundie cuius iuridictioni quo ad hoc suppono me et meos heredes In cuius rei testimonium litteris istis sigillum dicte curie rogaui apponi Actum in presencia Iohannis Rateti de Belna clerici notarii Dyuionensis magistri Boni Amici Petit Boriois et domini Lamberti de Thart presbiteri testium ad hoc uocatorum anno et mense predictis