Charter Document - 05320053
| Charter Number: | 05320053 |
|---|---|
| Cartulary Title: | Chartes de l'Abbaye de Saint-Etienne de Dijon. Chartes des années 1300-1309. |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1306 - 1307 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo sexto mense februarii ego Mariona filia quondam Galteri Foret de Talento notum facio uniuersis quod ego laude et assensu Humbeleti Loquereaul mariti mei facio permutationem et excambium perpetuum cum religiosis uiris abbate et conuentu Sancti Stephani Dyuionensis in hunc modum Quod pro eo quod predicti religiosi michi perpetuo tradiderunt et quittauerunt quandam peciam uinee sitam in finagio de Plomberio en Val Brien iuxta uineam religiosorum Cistercii ex una parte et uineam capelle ducis ex altera liberam pro censu et decima Ego ratione permutationis predicte laude tamen dicti mariti mei trado pro me et meis imperpetuum penitus et concedo predictis religiosis et eorum successoribus quandam petiam terre continentem unum iornale sitam in finagio de Alta Uilla en Bauzeloyne iuxta terram Eurardi Chanchie et terram Henrici Bonote Item dimidium iornale terre situm ibidem et partitur cum Henrico Bonote iuxta clausum Sancti Sequani quas terras teneor et promitto pro me et meis per iuramentum meum corporaliter super sancta Dei euuangelia prestitum et sub obligatione bonorum meorum omnium quitas et liberas pro decima predictis religiosis et eorum successoribus contra omnes in iudicio et extra perpetuo et firmiter garantire deffendere et in pace tenere meis propriis sumptibus et expensis et contra dictum pertagium de cetero non uenire Hec autem omnia et singula supradicta ego Humbeletus maritus predicte Marione uolo et laudo et de uoluntate mea et consensu confiteor esse facta Promittens pro me et meis per iuramentum meum contra predicta de cetero non uenire Uolentes nos dicti coniuges compelli ad premissorum obseruanciam tanquam ex re adiudicata per curiam domini ducis Burgondie cuius iuridictioni quo ad hoc supponimus nos et heredes nostros In quorum testimonium litteris istis sigillum dicte curie supplicauimus apponi Actum in presencia Iohannis Rateti de Belna clerici notarii Dyuionensis Martini de Talento et Constantii maioris de Alta Uilla testium ad hoc uocatorum anno et mense predictis