Charter Document - 05320043
| Charter Number: | 05320043 |
|---|---|
| Cartulary Title: | Chartes de l'Abbaye de Saint-Etienne de Dijon. Chartes des années 1300-1309. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1305 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo quinto mense septembre ego Guillelmus li Passererez de Thardo Uilla notum facio omnibus presentes litteras inspecturis quod ego sponte prouide uendo concedo et in perpetuum quitto Othonino de Uercellis domicello et suis dimidiam secturam prati sitam in preria de Thar in Prato Noual iuxta pratum liberorum magistri Iohannis Blainchot et iuxta la Nohe de la Froidiere et partitur cum prato emptoris quittam et liberam ab omni onere seruitutis et hanc precio sex librarum et decem solidorum de quibus me teneo pro pagato De qua dimidia sectura prati me deuestio et dictum emptorem inuestio corporaliter de eadem promittens per iuramentum meum et sub obligatione omnium bonorum meorum dictam dimidiam secturam prati garantire dicto emptori et suis meis propriis sumptibus et expensis et in nullo contraire de cetero per me uel per alium tacite uel aperte Uolens me compelli ad premissorum obseruanciam tanquam de re adiudicata per curiam domini ducis Burgundie cuius iuridictioni quo ad hoc suppono me et heredes meos In quorum testimonium litteris istis sigillum dicte curie rogaui apponi Actum in presencia Iohannis de Lugduno notarii de Rouura Perroneti Aysone et Hugonis proceral testium ad hoc uocatorum anno et mense predictis