Charter Document - 05320038

In nomine Domini amen Anno incarnationis eiusdem millesimo trecentesimo quinto mense aprilis post pascha nos Alnisona et Iohannes quondam liberi Hugonis dicti Pescaudet de Uerrangiis notum facimus uniuersis quod nos sponte et prouide uendimus tradimus et quittamus perpetuo penitus et pacifice Othonino de Uerceaux domicello omne ius et omnem actionem quod et quam habemus habere possumus et debemus modis omnibus in quodam manso sito apud Uerrangys qui mansus se ingerit a longitudine uie publice de Uerrangys et tendit usque ad pascua et usque ad quandam ueterem bordam que nunc est Iohannis et Osanne fratrum predictorum uenditorum sicuti mete se extendunt a parte dicte uie publice qui mansus predictus situs est iuxta mansum dictorum uenditorum ex una parte et partitur cum Iohanne et Osanna supradictis liberum ab omni honere seruitutis precio sex librarum Turonensium nobis a dicto domicello iam solutis et de eisdem nos tenemus pro pagatis Quare de predicta uenditione nos penitus deuestientes dictumque emptorem pro se et suis corporaliter inuestimus de eadem Promittentes per iuramenta nostra super sancta Dei euangelia corporaliter prestita dictam uenditionem dicto emptori et suis in iudicio et extra garantire contra omnes pacifice et quiete et in nullo contraire tacite uel expresse nos heredes nostros et omnia bona nostra presencia et futura propter hoc specialiter obligando omnibus actionibus rationibus exceptionibus iuris et facti in hoc facto expresse renunciando Uolentes ad premissorum obseruanciam nos compelli per curiam domini ducis Burgundie quasi ex re adiudicata in dicta curia cuius iuridictioni supponimus quo ad hoc nos heredes nostros et omnia bona nostra In cuius rei testimonium sigillum dicte curie litteris istis rogauimus et obtinuimus apponi Actum in presencia Iohannis de Lugduno clerici notarii Roure Perrelli dicti Champenois et Roberti quondam filii au Baul de Uerrangiis testium ad hoc uocatorum anno et mense predictis