Charter Document - 05320032
| Charter Number: | 05320032 |
|---|---|
| Cartulary Title: | Chartes de l'Abbaye de Saint-Etienne de Dijon. Chartes des années 1300-1309. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1304 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo quarto mense octobri [nos] Renaudetus Quangins de Cutigneyo notum facio uniuersis quod ego uendo pro me et meis in perpetuum Iaqueto de Cutigneyo Lathomo et Herbeleto de Sancto Stephano aurige unum iornale terre situm in finagio de Cutigneyo in loco ubi dicitur en Grate lou iuxta terram Girardi Roselli et terram filiarum e[iusdem] Quangins precio sexaginta solidorum Turonensium de quibus a dictis emptoribus me teneo pro pogato Promittens per iuramentum meum super sancta Dei euangelia corporaliter prestitum et sub obligatione omnium bonorum meorum mobilium et immobilium presentium et futurorum dictum iornale terre dictis emptoribus et eorum heredibus contra omnes perpetuo garantire et contra dictam uenditionem de cetero non uenire Uolens insuper me compelli ad premissorum obseruanciam quasi ex re adiudicata per curiam domini ducis Burgundie cuius iuridictioni quo ad hoc suppono me et meos heredes In quorum testimonium litteris istis sigillum dicte curie rogaui apponi Actum in presencia Hugonis de Cabilone notarii Dyuione Iaqueti Textori et Oudeti fratris dicti emptoris testium ad hoc uocatorum anno et mense predictis