Charter Document - 05320028
| Charter Number: | 05320028 |
|---|---|
| Cartulary Title: | Chartes de l'Abbaye de Saint-Etienne de Dijon. Chartes des années 1300-1309. |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1304 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo quarto mense iunio ego Aubritus de Corueya de Dyuione notum facio uniuersis quod ego retineo ad censam perpetuam a religioso uiro abbate Sancti Stephani quendam mansum situm in Corueya Sancti Spiritus iuxta ripariam Oschare et uiam publicam et se extendit a manso Richardi de Corcellis usque ad mansum abbatis et conuentus Sancti Benigni Dyuionensis pro quinque solidis monete currentis pro tempore censualibus quos promitto pro me et heredibus meis per iuramentum meum anno quolibet reddere et soluere dicto abbati uel eius mandato in festo Annunciationis Dominice ad penam seu emendam trium solidorum Turonensium pro qualibet ebdomada qua ego uel mei heredes in dicta solutione defecerimus ultra terminum sepe dictum Obligans propter hoc dictos quinque solidos ad penam affidendo predictum mansum item quandam grangiam sitam apud Dyuionen iuxta grangiam Richardi de Corcellis et domum Thietelini de Dyuione rettetertoris item melierationem in dicto manso faciam pro premissis omnibus et singulis fuerunt adimplendis supra dicta autem obligatione contenta non possum uendere alienare nec in aliam manum transferre nisi de dicti abbatis uel successorum suorum mandato processerit ac etiam uolontate Et si ego aliquo casu quod absit ego predictam uenderem uel alienarem quod in eo casu dictus abbas aut eius successores ad mansum et grangiam supradictos tanquam ad res suas proprias recurrant impedimento aliquo non obstante Uolens me compelli ad premissorum obseruanciam quasi ex re adiudicata per curiam domini ducis Burgundie cuius iuridictioni quo ad hoc suppono me et heredes meos In quorum testimonium litteris istis sigillum dicte curie supplicaui apponi Actum in presencia Hugonis de Cabilone notarii Dyuione Johannis Piquart et Girardeti filii Martini Roolot testium ad hoc uocatorum anno et mense predictis