Charter Document - 05320024
| Charter Number: | 05320024 |
|---|---|
| Cartulary Title: | Chartes de l'Abbaye de Saint-Etienne de Dijon. Chartes des années 1300-1309. |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1302 |
| Date type: | Internal, A.D. |
| Resource Link(s): |
|
Charter:
Uniuersis presentes litteras inspecturis Ego Petrus dictus Rossoz de Pontescisso canonicus ecclesie Sancti Quintini in Uiromendia ac illustris regis Francie clericus notum facio quod cum religiosi uiri abbas et conuentus monasterii Sancti Stephani Diuionensis ad supplicationem meam michi dederint et concesserint licenciam construendi et fundendi unam capellaniam cum ipsius edificio inter uel iuxta ecclesiam uel ecclesie septa Sancti Iohannis Pontisscissi cuius ecclesie ius patronatus ad ipsos dignoscitur pertinere Ita tamen quod ad me quandiu uixero spectare debet predicte capellanie donatio et eiusdem ydonei capellani institutio qui per se uel per alium in dicta capellania deseruiat prout duxero ordinandum Uolo et expresse concedo quod non obstante aliqua meorum heredum uel successorum perturbatione predicte capellanie donacio et institutio post decessum meum ad eosdem religiosos libere ac pacifice deuoluantur In cuius rei testimonium presentes litteras dictis religiosis concessi sigilli mei impressione munitas Datum anno Domini millesimo tricentesimo secundo mense octobris