Charter Document - 05320022
| Charter Number: | 05320022 |
|---|---|
| Cartulary Title: | Chartes de l'Abbaye de Saint-Etienne de Dijon. Chartes des années 1300-1309. |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1302 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo secundo mense maii Ego Petrus de Uilla subtus Geureyum domicellus notum facio uniuersis quod ego sponte prouide sine ui et metu et aliqua circonuentione uendo et in perpetuum quitto pro me et meis heredibus abbati et conuentui Sancti Stephani Dyuionensis nouem iornalia cuiusdam nemoris quod dicitur nemus de Baalanges situm in finagio de Uilla subtus Geureyum que quidem nouem iornalia habebam pro indiuiso in nemore supradicto Item et quicquid iuris actionis rationis et dominii habeo in nemore supradicto precio scilicet triginta et duarum librarum Turonensium de quibus solutionem integram recepi a dictis emptoribus in pecunia numerata et me teneo pro pagato Quare de predictis omnibus uenditis deuestio me et meos heredes et dictos emptores corporaliter inuestio de eisdem confitens per iuramentum meum quod omnia in dicta uenditione contenta erant de feodo abbatis et conuentus predictorum Et promitto pro me et meis per dictum iuramentum et sub obligatione omnium bonorum meorum predicta in uenditione contenta predictis abbati et conuentui et eorum successoribus contra omnes perpetuo garantire et contra dictam uenditionem de cetero non uenire Renuncians in hoc facto omnibus que contra tenorem presentium litterarum possent obici seu dici Et uolo me compelli ad omnium obseruanciam premissorum quasi ex re adiudicata per curiam domini ducis Burgundie cuius iuridictioni quo ad hoc suppono me et meos heredes In quorum testimonium litteris istis sigillum dicte curie rogaui apponi Actum in presencia Hugonis de Cabilone notarii Dyuionis Renaudi de Parreceyo et Griffonis Graindorge testium ad hoc uocatorum anno et mense supradictis