Charter Document - 05320021
| Charter Number: | 05320021 |
|---|---|
| Cartulary Title: | Chartes de l'Abbaye de Saint-Etienne de Dijon. Chartes des années 1300-1309. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1301 - 1302 |
| Date type: | Internal, A.D., Feast, Papal |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo primo indictione quinta decima pontificatus sanctissimi patris domini Bonifacii diuina prouidentia pape octaui anno octauo die uicesima octaua mensis Martii uidelicet die Mercurii post festum Annunciationis Dominice nouerint uniuersi per hoc presens publicum instrumentum quod in presentia mei notarii publici et testium infrascriptorum propter hoc specialiter constituti discreti uiri frater Hugo de Marcennayo canonicus monasterii Sancti Stephani Diuionensis ordinis Sancti Augustini Lingonensis diocesis procurator religiosorum uirorum abbatis et conuentus predicti monasterii cum litteris procuratoriis sigillis dictorum religiosorum ueris et integris sigillatis et dominus Petrus de Salone canonicus capelle domini ducis Burgundie eiusdem loci de Diuione procurator decani et capituli predicte capelle cum litteris procuratoriis sigillis dictorum decani et capituli ueris et integris sigillatis Quarum predictarum litterarum tenores de uerbo ad uerbum hic inferius annotantur et tales sunt [] Et ego Guido de Uergeyo ecclesiasticus Eduensis diocesis sacrosancte Romane Ecclesie auctoritate publicus notarius premissis omnibus prout supra leguntur una cum predictis testibus interfui et hoc presens instrumentum inde confectum manu propria scripsi et in hanc publicam formam redegi signoque meo signaui et supradictis procuratoribus et fideiussoribus rogatus ac etiam tenores supradictarum litterarum que per me iam dictum notarium lecte fuerunt coram dictis procuratoribus in presencia testium predictorum de uerbo ad uerbum hic fideliter inserui nil addens uel minuens quod sensum mutet uel uiciet intellectum Et nos frater Hugo abbas monasterii Sancti Stephani Diuionensis totusque eiusdem loci conuentus ac nos Odo decanus capelle domini ducis Burgundie Diuionensis eiusdemque capelle capitulum predictum compromissum et omnes conuentiones et obligationes et pacta in eodem contento quod confitemur nomine nostro per predictos procuratores nostros factum et habitum sub forma predicta laudamus ratificamus approbamus et in premissis omnibus consentimus et promittimus dictos fideiussores super dicta fideiussione indempnes penitus obseruare quelibet pars suum uidelicet In quorum testimonium sigilla nostra huic presenti instrumento duximus apponenda una cum signo notarii prelibati