Charter Document - 05320018

Uniuersis presentes litteras inspecturis officialis curie Lingonensis salutem in Domino Noueritis quod in presentia Petri Racoelli de Channito clerici iurati et mandati nostri ad ea que in presentibus litteris continentur audienda et recipienda loco nostri a nobis specialiter destinati ac etiam deputati cui quantum ad hec et ad maiora commisimus et committimus uices nostras propter hoc personaliter constituta nobilis mulier Perrineta quondam filia Iohannis dicti Ioliet domicelli de Petra Curia defuncti spontanea uoluntate et deliberatione prouida recognouit et publice confessa est coram dicto mandato nostro se laude et assensu Hugueneti de Mocheau mariti sui sibi in hoc facto auctoritate prestantis coram dicto mandato nostro partita et diuisa a Uillermeta sorore sua uxore Iacobi de Grays domicelli de omnibus bonis suis tam paternis quam maternis et quod ad partem predicte Perrinete deuenit feodum quod Iohannes dictus Galois tenebat seu tenere debebat a Iohanne dicto Ioliet quondam patre dicte Perrenete in uilla et finagio uille Aqueductus uersus Bellam Nouam in dyocesis Lingonensi scilicet quicquid dictus Iohannes Galois habet uel habere potest et debet in dicta uilla Aqueductus et eius finagio scilicet in terris pratis nemoribus aquis aquarum decursibus iusticiis magnis et paruis et omnibus aliis quibuscumque et quod feodum predictus pater dicte Perrenete et ipsa Perreneta ex successione dicti patris sui tenebant et tenere debebant in retrofeodum a religiosis uiris abbate et conuentu Sancti Stephani Dyuionensis et quod ipsa Perreneta predicta pensata urgenti necessitate et euidenti utilitate sua et mariti sui predicti sibi in hoc facto consensum et auctoritatem prestantis coram dicto mandato nostro predictis religiosis dominis suis predictum feodum cum omnibus iuribus et pertinenciis suis et quicquid iuris et actionis dicta Perreneta habebat uel habere potebat et debebat ex quacumque causa seu titulo in feodo supra dicto et pertinenciis eiusdem uendidit et titulo pure ac perfecte uenditionis dedit in perpetuum quittauit et deliberauit Facta est presens uendicio pro precio decem et octo librarum bonorum paruorum legalium Turonensium de quibus predicta Perrineta se coram dicto mandato nostro tenuit bene et legitime pro pagata a dictis religiosis in bona pecunia legitime numerata quittans ipsos religiosos pro se et suis heredibus in perpetuum de eadem deuestiens se dicta Perrineta pro se et suis heredibus de predicto feodo et omni iure dominio proprietate et possessione que et quos ipsa habebat uel habere potebat et debebat in eodem dictos emptores in puram et ueram possessionem inducens de eisdem uolens et concedens dicta Perrineta quod dictus Iohannes Galois de dicto feodo respondeat predictis religiosis et eisdem deseruiat secundum conditionem et naturam feodi abbatis dicti monasterii homagium et fidelitatem faciendo et prestando quittans et absoluens dictum Iohannem ex nunc a fidelitate et homagio in quo sibi ratione dicti feodi tenebatur Promittentes prefati coniuges per iuramenta sua super sancta Dei euangelia corporaliter prestita diuisionem partagium uenditiones traditiones quittationes supra dictas ratas habere perpetuo atque firmas et contra easdem non uenire nec alicui contrauenienti consentire in iudicio uel extra palam uel occulte tacite uel expresse ac insuper predictis emptoribus super dictam uenditionem legitimam portare garantiam erga omnes in iudicio et extra propriis sumptibus suis et expensis obligantes propter dicti conjuges in manu dictorum religiosorum se heredes suos et omnia bona sua mobilia et immobilia presentia et futura ubique sint et poterint inueneri Renunciantes in hoc facto prefati coniuges exceptionis doli mali uis metus circonuentionis rei dicto modo non geste priuilegio fori et crucis sumpte et sumende beneficio restitutionis in integrum iuri per quod ultra dimidiam seu dimidia iusti precii deceptis subuenientur omnique iuris auxilio canonici et ciuili omni consuetudine patrie et statuto et omnibus exceptionibus et allegationibus iuris et facti de quibus necesse esset in hoc instrumento plenam et expressam fieri mentionem iurique dicenti generalem renunciationem non ualere Uolentes quod expressa tanquam expressa ualeant et non expressa per expressis habeantur dicta uero Perreneta renunciauit in hoc facto predictum iuramentum suum expresse et ex certa sciencia omni iuri ypothecarum suarum donationi propter nuptias exceptioni dotis et dotalicii [epistole] [divi] Auelleyani de fundo dotali non alienando et omnibus aliis iuribus in fauorem mulierum introductis que sibi possent competere ad elidenda predictam uel aliquam de predictis cerciorata a nobis de eisdem Uolentes autem dicti coniuges quod nos in illum seu in illos que contra premissa uel aliqua de premissis uenerit sentenciam excommunicationis promulgemus uel promulgari faciemus ubicumque maneant uel existant se et heredes suos quantum ad hoc iuridictioni curie Lingonensis totaliter supponentes ubicumque se transferrant uel diuertant sine reclamatione alterius curie seu fori In cuius rei testimonium ad requisitionem dictorum coniugium et ad relationem dicti Petri mandati nostri qui nobis sub fidelitatem curie Lingonensis predicta omnia retulit uera esse et coram ipso facta et recognita fuisse cui quantum ad hoc fidem plenariam adhibemus sigillum curie Lingonensis presentibus litteris duximus apponenda Actum die Iouis post festum Beati Nicholai Hyemali anno Domini millesimo trecentesimo primo