Charter Document - 05320008

In nomine Domini amen Uniuersis presentes litteras inspecturis Iohannes miseratione diuina Lingonensis episcopus salutem in Domino Noueritis nos supplicationem fratris Iohannis rectoris domus Dei de Broichon nostre Lingonensis dyocesis fratrum et sororum eiusdem domus super unione et incorporatione et annexione predicte domus Dei de Broichon faciendis a nobis cum monasterio Sancti Stephani Dyuionensis ordinis Sancti Augustini dicte dyocesis recepisse in hunc modum Bone rei dare consultum et presentis habetur uice subsidium et eterne renunciationes exspectare decernitur premium Ea propter reuerende pater ac domine domine Iohannes Dei gratia episcopus Lingonensis ego Iohannes rector domus Dei de Broichon uestre Lingonensis dyocesis et nos fratres et sorores dicte domus uidelicet Hugo de Dyuione et Iohannes Macelli de Geureyo Iohannes dictus Frepaz presbiteri Stephanus de Parnant Hugo de Malliens Humbertus de Fixins Lambertus de Cheuannes Hugo dictus le Boichardez Andreas de Broichon Iohannes de Uleis Petrus de Broichon Richardus de Fixins Reynaudus de Anciaco Iohannes dictus le Boichardez de Coicheyo et Iacobus de Lehuseu fratres conuersi dicte domus Iohanna priorissa et Iornina hospitalaria domus eiusdem diligencius attendentes quod quamuis uirtutum Domino seruiamus quibusdam predecessorum nostrorum institutionibus et regulis subuenimur quam ex speciali deuotione sub Beati Augustini ordini habitu et regula per sedem apostolicam specialiter approbatis in Dei ecclesia militare affectantes quam per gloriosum habere patronum ut in uia salutis specialius dirigamur et eius meritis et intercessione ad patriam perducamur eternam ad uicinam et proximam nobis ecclesiam Beatissimi Protomartyris Stephani de Dyuione predicte ordinis que quidam abbatis regimine gubernata uiget auctore domino Re et fama regularibus obseruantiis et moribus approbatis duximus occulos mentis nostri Confidentes rationabiliter et sperantes quod domus nostra predicta cum iuribus suis et pertinenciis uniuersis que multorum patent insidiis ad quorum malignos impetus repellendos uirtus plena nobis non competit nec facultas si abbatis et conuentus monasterii predicti patrocinio fulciatur eo poterit utilius et salubrius in spiritualibus et temporalibus gubernari quo membrum corporis ipsi corpori uicinoque capiti commigetur Domus enim nostra predicta a dicto Dyuione parum distat possessiones nostre commiste sunt contigue et uicine possessionibus monasterii memorati et pro magna parte infra fines parochiarum dicti monasterii constitute Timebunt etiam uolentes delinquere se tantum et tam uicinum correptorem habere qui remotum uel alias impotentem minime formidarent et si forte quod absit delinquerent ipsorum excessus sine difficultate et dispendio poterunt de facili refrenari Status etiam noster habitus atque mores ordinis predicto magis quam alii conueniunt et applaudunt statusque nostri mutatioque quorumdem animas exasperare solet nobis tollerabilior et animabus utilior appareret paternitati igitur uestre reuerende quantum deuocius possumus humiliter supplicamus quatinus nostro predicto proposito fauorabiliter annuentes predictam domum nostram cum suis bonis iuribus et pertinenciis uniuersis tanquam membrum corpori et capite cum monasterio predicto Sancti Stephani auctoritate et potestate ordinaria unire commigere annectere incorporare et subicere dignemini ac uelitis ita pro sub Beati Augustini regula et habitu regulari nos et successores nostri possimus Domino famulari et sub abbatis ipsius monasterii et successorum eius regulariter uiuere et in spiritualibus et temporalibus gubernari Credimus enim firmiter et indubitanter speramus quod in predicta domo nostra cum adiutorio Dei et abbatis dicti monasterii qui pro tempore fuerit diligencia melius et honestius obseruabitur religio hospitalitas uberius tenebitur et fient orationes et elemosine ac diuina officia abundancius et frequentius in eadem Nos auctoritate predictus episcopus considerantes attente tam pie supplicationis affectum et iteratis intimorum cogitatibus reuoluantes per quem infirmi accinti robore spiritu fortitudinis uolunt assumere regulisque laxioribus insistentes artiorem uoluntarie sitiunt disciplinam et iugo domini magis subiciunt colla sua attendentesque quam decet domum Domini sanctitudo et insuper pastoralis officii iura nos ammouet ut bene agentes etiam ad melius induce studeamus uolentes eorum supplicationi et laudabili proposito benigne exauditionis gratiam apperire recolentes tamen doctrinam apostolici dicentis Nemini cito manum imponas in predicto negocio maturius et eum maiori deliberatione decreuimus precedendum et uiris uenerabilibus et discretis Symoni de Buxeria archidiacono Dyuionensi in ecclesia Lingonensi et magistri Petro de Seigneyo canonico Eduensi officiali curie nostre Lingonensi ac Hugoni de Dyuione dicto dou Pantauz rectori ecclesie de Belancuria commisimus per nostras patentes litteras super hiis et ea tangentibus uices nostras et ut ipsi aut duo ipsorum ad dictam domum Dei de Broichon personaliter accedentes diligenter inquirerent uota predictorum rectoris fratrum et sororum si ea que in eorum predicta supplicatione continebantur essent ueritate subnixa et utrum de consensu omnium quorum intererat dicta supplicatio facta esset Qui magistri Petrus et Hugo de mandato nostro ad dictam domum Dei de Broichon personaliter accedentes die festo Beati Martini Hyemali superlapso dicto archidiacono se et suas litteras excusante de omnibus et apud omnes quorum intererat diligencius inquirentes et se loco nostri plenius informantes predicti magistri dicte domus in supplicatione sua nomine suo fratrum et sororum eiusdem domus persistentis in eorumdem fratrum et sororum presentia libera ac spontanea rectorie ipsius domus resignatione recepta ab eis in nostra deliberatione et arbitrio reseruata nobis retulerunt uera esse ea que in supplicatione predicta eorumdem rectoris fratrum et sororum continentur Quibus super hiis fidem plenariam adhibemus maxime quia de omnibus acte in dicto negocio nobis constat et publica instrumenta quare nos supplicationem dictorum magistri fratrum et sororum ac ipsius magistrum resignationem deliberatione a nobis super hoc prehabita recepimus et quicquid per dictos magistros Petrum et Hugonem factum est in dicto negocio et omnibus ipsorum negocium tangentibus Ratum habemus et firmum eorumdem que magistri fratrum et sororum predictorum supplicationi fauorabiliter annuentes iustis de causis in eorum supplicatione continentis quas agnouimus esse ueras predictam domum Dei de Broichon cum omnibus membris bonis et pertinenciis eiusdem predicto monasterio Sancti Stephani Dyuionensis in nomine Patris et Filii et Spiritus Sancti auctoritate et potestate ordinaria de voluntate et consensu expresso uirorum uenerabilium decani et capituli Lingonensium in perpetuum unimus incorporamus conjungimus annectimus et subicimus in spiritualibus et temporalibus pleno iure recentis nobis et successoribus nostris Lingonensibus episcopis iuribus episcopalibus ut inferius declarantur Mandantes omnibus fratribus et sororibus dicte domus ut in omnibus abbati monasterii Sancti Stephani predicti qui pro tempore fuerit tanquam patri et superiori obediant pariter et intendant et omnino moribus et habitu dicto monasterio se conforment ac omnibus aliis prout ad eos spectare dignoscitur ut de omnibus prouentibus et exitibus dicte domus et pertinenciarum eius dicto abbati respondeant Committentes eidem abbati pro se et successoribus suis auctoritate presentium administrationem dicte domus de Broichon membrorum bonorum et pertinenciarum eiusdem in spiritualibus et temporalibus ipsum in possessionem dicte domus auctoritate ordinaria inducentes iuridictione institutione destitutione correptione reformatione uisitatione et procuratione ac aliis iuribus episcopalibus nobis et nostris successoribus semper saluis Saluo etiam iure iurorum uenerabilum decani et capituli Lingonensium archidiaconi et decani christianitatis Dyuionensi et persone alterius cuiuscumque prout hactenus habuerunt et etiam perciperunt Uolumus autem et precipemus quod in dicta domo diuina officia studiose et sollicite celebrentur et hospitalitas pauperum ad quam precipue locus ille fuisse dignoscitur institutus infirmorum et etiam aliarum personarum miserabilium ac aliorum transeuntium teneatur et plene exerceatur ad quam tenendam et obseruandam in perpetuum locum illum uolumus specialiter obligari ac alia caritatis opera impendentur absque diminutione aliqua prout hactenus fieri consueuit et quod abbas pro tempore in predicta domo de Broichon personas ydoneas continue tenere pertinet ad seruiendum Deo et ad hospitalitatem tenendam et debita suffragia offerendum pro animabus illorum qui dictam domum fundauerunt et dotauerunt quibus uite necessaria dictus abbas congrue subministret Ordinamus etiam et statuimus ad declarationem iuris nostri quod in abbatem Sancti Stephani predicti postquam fuerit confirmatus infra duos menses iuxto impedimento cessante ad nos et successores nostros uenire personaliter teneatur curam et regimen dicte domus Dei de Broichon a nobis sine difficultate aliqua recepturus salvis iuribus supradictis et si infra predictum tempus duorum mensium iuxto cessante impedimento ad episcopum uenire distulerit negligenter curam et regimen dicte domus spiritualium et temporalium petitur illa uice eidem domi de rectore episcope prouidebit et instituet unum canonicum regularem de ordine Beati Augustini ita quod in aliis uacationibus postea frequentibus abbati qui pro tempore fuerit in dicto monasterio aliquid ueniatur Quicumque autem monasterium predictum Sancti Stephani abbate uacare contigerit episcopus Lingonensis qui pro tempore fuerit unum de canonicis dicti monasterii sacerdotem in predicta domo de Broichon ponet et instituet qui taliter institutus spiritualia et temporabilia gubernabit quousque abbas assumptus postea confirmatus curam et regimen dicte domus recepit ab eo qui pro tempore fuerit episcopo Lingonensi cum autem curam et regimen dicte domus recepit idem abbas canonicus institutus a nobis uel successoribus nostris de temporalibus perceptis uacationis tempore eidem abbati reddet integraliter rationem nobis autem uel episcopo Lingonensi qui fuit ante et post ante et post quocienscumque requisitus fuit de spiritualibus respondebit et si ecclesiam Lingonensem prelato uacare contingerit predicta potestas ponendi et instituendi canonicum uacationis tempore ad Lingonensem capitulum deuoluetur post modum autem creato episcopo per eumdem episcopum committetur cura et regimen dicte domus de Broichon ipsi abbati sine difficultate aliqua prout superius est expressum et dictus abbas quo pro tempore sui regiminis requisitus reddet rationem episcopo pro spiritualibus et temporalibus que tenebit ab eodem episcopo prout de alia spiritualitate et temporalitate monasterii supradicti In cuius rei testimonium sigillum nostrum una cum sigillo dictorum decani et capituli presentibus litteris duximus apponendum Et nos decanus et capitulum predicti omnia et singula supradicta prout superius sunt expressa que de voluntate et expresso consensu nostris predictum dominum episcopum recognoscimus et asserimus esse facta statuta precepta ordinata capitulo nostro ad hoc uocato specialiter congregato rata et grata habentes laudamus ac etiam appelamus In cuius rei testimonium sigillum nostrum una cum sigillo dicti domini episcopi presentibus litteris duximus apponendum Actum et datum anno Domini millesimo trecentesimo die Martis in festo Beati Nicolai Hyemalis