Charter Document - 05320005
| Charter Number: | 05320005 |
|---|---|
| Cartulary Title: | Chartes de l'Abbaye de Saint-Etienne de Dijon. Chartes des années 1300-1309. |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1300 |
| Date type: | Internal, A.D., Feast |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo mense aprilis post pascha nos Perrennis de Chargeyo domicellus et eius frater clericus Iohannes notum facimus uniuersis quod nos sponte prouide pro nobis et heredibus nostris et nomine Anxelli et Richardi fratrum nostrorum in minori etate existentium facimus permutationem perpetuam cum Othonino de Uerceaux domicello in hunc modum Quod pro eo quod ipso nobis tradidit et perpetuo quittauit duas pecias terre sitas in finagio de Uerrangis en la fin Laissux que continent circiter quatuor iornalia una iuxta terram Simeonis Payen et terram Stephaneti le Conrassot et alia iuxta terram Euurardi Crahot et iuxta terram Perrenete filie quondam Ruffi de Campia et in excambium et permutationem earumdem nos tradimus et perpetuo quittamus pro nobis et nostris heredibus et nomine dictorum minorum in adueria mei predicti Perrinni existentium predicto Othonino et eius heredibus quamdam peciam terre sitam in finagio de Uerrangis in prato Domini Martini continentem circiter quatuor iornalia iuxta pasqueria hinc et inde Et tenemus ex pacto et promittimus pro nobis et nostris heredibus per iuramenta nostra super sancta Dei euangelia corporaliter prestita et sub obligatione omnium bonorum meorum predictam peciam terre ut dictum est traditam dicto Othenino eidem et eius heredibus libere pro decima contra omnes perpetuo et firmiter garantire deffendere et tenere in pace et perpetualiter contra predictos Anxellum et Richardum et contra predicta seu aliqua predictarum de cetero non uenire nec contrauenienti consentire omnibus exceptionibus iuris et facti renunciantes in hoc facto Et uolemus nos compelli ad premissorum obseruanciam quasi ex re adiudicata per curiam domini ducis Burgundie cuius iuridictioni quo ad hoc supponimus nos et nostros heredes In quorum testimonium litteris istis sigillum dicte curie rogauimus apponi Actum in presencia Andree de Campo Uento clerici iurati dicte curie coadiutoris Hugonis de Cabilone notarii Dyuionensis Philippi Griffonis et Iohannis de Perroye domicelli testium ad hoc uocatorum anno et mense predictis